دنيا سامي تدافع عن صديقها مصطفى غريب بعد تعرضه لهجوم واسع

دافعت الممثلة دنيا سامي عن صديقها مصطفى غريب بعد تعرضه لحملة هجوم واسعة عبر منصات التواصل الاجتماعي، بعد تنمره عليها وتصريحاتها التلفزيونية، وهو ما تستعرضه «هير نيوز» في التقرير الآتي. 

 

دنيا سامي تدافع عن مصطفى غريب 

بعد تصريحاتها عنه، خرجت الممثلة دنيا سامي لتدافع عن مصطفى غريب، حيث علقت عبر صفحتها على "فيسبوك" قائلة: "بخصوص البوستات المنتشرة اللي بتتكلم عن حلقه الأستاذة إسعاد يونس اللي بقول فيها إن مصطفى غريب بيهزر عليا وبيقول كلام وحش، وده طبعًا خلّى مصطفى يتكلم ويتشتم."

كما تابعت: "أولًا شكرًا جدًا على الدفاع عني، بس والله أنا مش زعلانة من أي حاجة. مصطفى صاحبي واحنا الاتنين بنتبهدل سوا، وأنا كنت بقول كده بهزار لأني عارفة إني حلوة.".

فيما أضافت دنيا سامي: "مصطفى غريب هو أقرب وأطيب وأجمل بني آدم في حياتي وفي حياة كل أصحابه، ولو قعدت أتكلم عليه 100 سنة مش هوفيه حقه، والله هو سندي في الدنيا."

 

تصريحات دنيا سامي مجرد دعابة بين الأصدقاء

وتابعت دنيا سامي أثناء دفاعها عن مصطفى غريب: "اللي قولته في البرنامج عن مصطفى هو هزار عادي بين أي صحاب في أي شِلة، والحمد لله أنا ماعنديش عقد، ومش هيجيلي عقدة، ومش عارفة، ومش هتجيلي عقدة بعدين... بجد مفيش حاجة، ولو كملتوا الحلقة مع الأستاذة إسعاد هتعرفوا إننا مسكنا عليه بيهزر عليا أكتر ما كنت بهزر عليه، من فضلكم، مفيش بني آدم في العالم يشتم مصطفى غريب غيري أنا."


 

دنيا سامي تتحدث عن صداقتها مع مصطفى غريب في "صاحبة السعادة"

خلال ظهورها في برنامج "صاحبة السعادة"، تحدثت الممثلة دنيا سامي عن علاقة الصداقة التي تجمعها بالفنان مصطفى غريب، وقالت: "الوحيد اللي شايفني وحشة لحد النهاردة هو مصطفى غريب، وهو فعلًا شايفني ولد."

كما تابعت قائلة: "هو متنمر طبعًا، رقم واحد. يعني مثلًا، لو والدة واحدة من صحابنا توفت من أسبوع مثلًا، وتخرج تقابله، يشغّل لها أغنية عن الأم بصوت عالي."

فيما أوضحت دنيا سامي أن مصطفى غريب معروف بروحه المرحة وتنمره الطريف، حيث قالت: “يعني مثلًا لو صاحبتنا مامتها ماتت، يشغل لها أغنية عن الأم بصوت عالي علشان يغيظها، هو متنمر رقم واحد.”. 

بينما ردّت دنيا على تعليقاته بابتسامة ساخرة قائلة: "بقوله بص في المراية، يرد يقولي باعترف، أقوله إنت تخين، يقولي لأ، أنا مجرم... مافيش طريقة تعرف تتنمر عليه بيها."