حمزة نمرة يثير الجدل بتصريحات عن نجاح ألبومه الأخير "قرار شخصي"

عبر الفنان حمزة  نمرة عن سعادته بالنجاح الكبير الغير متوقع بعد نجاح ألبومه الأخير “قرار شخصي”، عبر مواقع التواصل الاجتماعي، وفي التقرير الآتي توضح (هير نيوز) أسباب النجاح.  

كيف علق حمزة نمرة على ألبومه؟

وعلق حمزة نمرة علي موقع التواصل الاجتماعي إنستجرام: "زمان، لما كان حد يسألني في أي لقاء: هل حاسس إنك مش واخد حقك فنياً؟ كنت باقعد أفكر شوية وأبقى مش متأكد من الإجابة، وغالباً بأكون أقرب لفكرة إني فعلاً كده".

وأضاف نمرة: “لحد ما في يوم قعدت بيني وبين نفسي وسألت نفسي السؤال ده بجد، واكتشفت إن ربنا إداني أكتر مما أستحق، ووصلني لأبعد مما يفترض إني أوصل له بحسابات الدنيا وبالورقة والقلم”.

كما تابع حمزة نمرة: “واحد ماشي عكس التيار، لا بيغني مواضيع شبه الرائج، ولا بيعمل موسيقى شبه الرائج، ولا بيلبس شبه الرائج، ولا بيفرض نفسه بالزنّ على الودان، وفوق ده كله انطوائي وما بيعرفش يخلق علاقات ومعارف في مجاله، بالورقة والقلم وقوانين الطبيعة، المفروض يبقى بالكتير على هامش الفن ويبقى مسموع في دوائر ضيقة جداً”.

أسباب نجاح ألبوم حمزة نمرة

واختتم المطرب حمزة نمرة حديثه عن ألبومه: "لكن إن اللي بقدمه ينتشر بالشكل ده، وإن ألبوماتي تنزل في موسم الصيف ف تنافس فئات البوب وتبقى رائجة في كل المنصات, فده فضل من ربنا كبير أوي، ده مش حقي ده أكتر من حقي بمراحل. ف الحمد لله رب العالمين".

وأكمل قوله شاكرًا لجمهوره لكونهم السبب في النجاح: “كل واحد سمعني واتأثر، اتكلم عني وسط صحابه، نشر أغنية ليا، حضر لي حفلة، ربنا جعلكم سبب في إن فني يفضل عايش”.

وانهاء: “وسامحوني على أي تقصير أو حاجة كانت أقل من توقعاتكم، ده اللي ربنا يسره لي لتقديمه وربنا يرزقنا حسن النوايا، وأخيراً أشكركم من قلبي ماشي على الله.. يتكعبل لو بص وراه.

ويتضمن ألبوم قرار شخصي للمطرب حمزة نمرة عدد من الأغاني والألوان الموسيقية:

(شمس وهوا،  عزيز عيني، كله على الله). 

(شيل الشيلة، يا سهرانين، اتخمينا).  

(وافتكر، طال غيابك، بتستخبى).

(ما بتلاقينيش، كده الأيام، كايرو، قرار شخصي رقم 1) تم طرحهم يوم 13 أغسطس. 

آخر أعمال حمزة نمرة الغنائية

وكانت أخر أعمال حمزة نمرة غنائه لتتر مسلسل “سر إلهي” الذى شارك فى ماراثون رمضان 2024 ، وحقق نجاحًا جماهيريًا كبيرا.

كما أحيى المطرب حمزة نمرة خلال الفترة الماضية آخر حفلاته الغنائية ضمن فعاليات الدورة 32 من مهرجان القلعة الدولي للموسيقى والغناء، وذلك بحفلين استثنائيين على مسرح المحكى فى الليلة الرابعة للمهرجان تحت رعاية الدكتور أحمد فؤاد هنو، وزير الثقافة.