أسما شريف منير تثير الجدل في الساحل الشمالي.. من هو زوجها؟
كتبت أسما منير عبر موقع التواصل الإجتماعي "إنستجرام: "الحمد لله إن أنا وجوزي وبنتي، مش بنجري ورا سباق الساحل، إحنا بنلاقي نفسنا في أماكن زي سينا، البحر الأحمر، نويبع، ودهب, لأن هناك الكلام كله عن الطبيعة، وعن إزاي نقعد ناكل مع بعض ونجمع نفسنا على حاجات بسيطة فيها خير".
أسما شريف منير في الساحل
قالت أسما شريف منير: "زمان كنا بنروح إسكندرية أو العجمي، ونفتكر الذكريات البسيطة زي آيس كريم من صابر، سمك من عند أبو أشرف، والليل اللي كنا نقعد فيه قدام التلفزيون ناكل جبنة وبطيخ، كانت لحظات صغيرة بس مليانة دفء وحب، وهي دي اللي فضلت جوانا".
وتابعت: “على عكس الساحل دلوقتي اللي بقى الناس فيه كلها بتتكلم عن مين لابس إيه وقاعد فين وعنده إيه، إحنا بنحب نبعد عن ده كله، ونتمسك بالأماكن اللي لسه فيها روح الطبيعة والبساطة”.
وأضافت أسما شريف منير: “خلوا دايمًا القيمة في إنكم تكونوا على طبيعتكم، بعيد عن سباق المظاهر، دي الذكريات اللي بتبقى، وهي دي الحاجات اللي فعلاً بتدي للحياة معناها الحقيقي”.
واختتمت: “ولازم نفتكر كمان إن الأطفال لما يعيشوا حياة بسيطة بعيد عن الضغوط والمظاهر، بيعرفوا نفسهم أكتر، بيتواصلوا مع اللي حواليهم بصدق، وبيبقوا واثقين وآمنين، بدل ما يستخبوا ورا ماركة أو شكل، البساطة مش بس راحة، دي كمان تربية على الأمان الداخلي”.
من هو أحمد شامل عزمي زوج أسما شريف منير؟
ويستعرض «هير نيوز» معلومات حول هوية أحمد شامل عزمي، زوج أسما شريف منير، ومسيرته الفنية.
- اسمه أحمد شامل عزمي
- متخصص في الرقص المعاصر والحركة الإبداعية
- بدأ اهتمامه بالرقص في سن مبكرة، وتعلم «الهيب هوب» عن طريق فيديوهات عبر موقع YouTube
- انضم أحمد إلى مركز القاهرة للرقص المعاصر وهو في سن 21 عاما
- من خلال مركز القاهرة للرقص المعاصر اتيحت لأحمد شامل عزمي فرصة التعاون مع مصممي رقص عالميين ومحليين بارزين، منهم كريستيان أوبل، وأرنو شويتماركر
- تخرج من برنامج التدريب الاحترافي للرقص المعاصر، التابع لفرقة «معت» التي أسستها الفنانة كريمة منصور
- أحمد شامل عزمي هو أيضا عضو في فرقة «Swaggers Crew»
- شارك في مشروع SHAPERS، الذي يهدف إلى تعزيز التعاون وتبادل الخبرات بين الراقصين من مختلف الدول
- لديه خبرة في رقص الشوارع و«Krump»
- يعطي دروسا في تعلم فن الحركة والرقص
