أعيش مع زوج عصبي يضربني بالحزام.. ماذا أفعل؟
روت سيدة مشكلتها مع زوجها، عبر حساباتها على مواقع التواصل الاجتماعي، وطلبت من متابعيها ردودا وحلولا لها، لتفادي ما حدث معها واستقرار حياتها.
وقالت الزوجة في شكواها: "أعيش مع زوج عصبي يضربني بالحزام، أنا في مشكلة، جوزي وأبو ابني بحبه أوي وهو كمان بيحبني، وبغير عليا من الهوا، بس عصبي أوي، ومن أول جوازنا لما بيتعصب ممكن يضربني على كتفي أو قلم على وشي، بس بحنية برده، ولما بغلط أو بعصبه ممكن يزود شوية، بس هو كويس أوي".
وأضافت: "مرة طلعت البلكونة بالقميص بس، محدش شافني، بهدلني ضرب وشتيمة واداني علقة سخنة حرفيا، بس بعدها بيومين جه صالحني وقعد يبوسني".
وتابعت: "لغاية مرة على الغدا، كان الجو حر وكنت لابسة بس مش طويل أوي، كان قميص مفتوح، كان ابني وابن أخوه معانا، هو أكبر من ابني بثلاث سنين، يعني عنده 11 سنة، وقت الغدا لما شافني كده قومني من على الغدا ودخلني الأوضة وقفل الباب، وضربني بالحزام على جسمي كله، وزعيق وإهانة".
وواصلت: "جسمي كله احمر من الضرب، أكتر من 50 جلدة، وقال لي إزاي تطلعي كده أنا هربيكي من الأول، ومعاها ألفاظ وإهانة، بعد ما خلص ضرب طلع وقفل الباب عليا وأنا بعيط، وراح كمل الغدا مع الأولاد".
وزادت: "أنا زعلت منه أوي، بعدها وداني عند أهلي وقال لهم ربوا بنتكم وكلام من ده، أهلي دلوقتي بيعقلولي وبيهزقوني وبيقولوا إنتي الغلطانة وتستاهلي".
واستكملت: "بعدها بأسبوع هو جه وأبويا كلمه ووافق يرجعني البيت، ولما روحنا قال لي أنا وافقت أرجعك بس لسه عقابك مخلصش، ولسه هتضربي تاني لو عايزاني اسمحك، والعقاب هو ضرب لمدة أسبوع على المؤخرة، مش أقل من 30 جلدة".
واختتمت: "أنا شايفة ده كتير أوي، وأنا أصلا جسمي لسه متكسر من آخر علقة ادهالي، ومش عارفة أعمل إيه، هو مديلي مهلة يومين أفكر، يا إما أوافق على الضرب، يا إما يرجعني بيت أبويا".
وجاءت الردود عليها كالتالي..
لاتحرضها على خراب بيتها وتخببها على زوجها. كل الازواج يضريو زوجاتهم بس بدرجات متفاوته.
تحملي العقاب لاسبوع ولاتخربي بيتك للأبد. كان الله في عونك.
انا مثلك زوجي يضربني بالعقال بشكل يومي
طيب أعرفي حدوده الحمراء و لا تعديها أبداً، كذا أتحل المشكلة، أما تقولي أنا حرة وبراحتي، فالنتائج أهو بيتكرر معاكي.
لايحق له ضربك بالحزام و لا الشرع يرضى بذلك خبريه ان يخاف الله
ارجعي له ووافقي على شرطه مؤقتا لأن ده أهون من خراب البيت وضياع ابنك حاولي تمتصي عصبيته وتكسبينه باللين لحد ما يعدي الموقف وبعدها بالتدريج حاولي تغيري طريقته معاك وتركزي على نقاط قوته كويس إنه بيرجع ويصالحك وده معناه إنه لسه في خير
اصبري عليه وحاولي تهديه وتفهميه إنك بتحبيه وتقدري غيرته لكن في نفس الوقت وضحي له إن الضرب بالشكل ده بيكسر قلبك وجسمك ممكن تقترحي تدخلوا طرف حكيم من العيلة أو شيخ يصلح بينكم لأن ساعات الراجل العصبي محتاج وقت وتوجيه وحب عشان يتغير