ماذا أفعل إذا رفض أبي زواجي من فتاة أحبها؟

نشر شاب في مقتبل العمر مشكلته مع الفتاة التي تربطه بها علاقة عاطفية عبر منصات التواصل الاجتماعي، ولكن أثارت المشكلة سخرية البعض من رواد تلك المنصات نستعرضها في التقرير الآتي. 

وقال الشاب في شكواه: "ماذا أفعل إذا رفض أبي زواجي من فتاة أحبها حاسس بظلم أبويا ليا و مخنوق جداً من كدا الحكاية إني شاب عندي 28 سنة مؤهل عالي و بشتغل في بنك و دخلي يعتبر معقول نوعاً ما لكن مصاريف الجواز دلوقت عشان تتجوز جوازة كويسة بقت فعلاً خرافية و أنا أبويا و أمي مرتاحين مادياً الحمد لله و متفقين معايا أنا و أخواتي هيساعدونا في زواجنا مساعدة كبيرة في الشقة و تشطيبها و الأثاث و كدا و فعلاً ساعدوا أخويا الكبير و وفوا معاه تمام".

وأضاف: "لما فكرت أنا في الجواز وعدوني بالمساعدة المادية زي أخويا بالضبط لكن لما رحنا نشوف البنت و أهلها و هي أصغر مني بحوالي سنتين أبويا كان ليه رأي فيها إنها مش ملتزمة لأنها غير محجبة و بتشتغل في مجال السياحة و ده بيستلزم منها حسن المظهر و إسلوب ظهور معين و تعامل مع ناس كتير".

وتابع: "أبويا هنا بيفرض رأيه عليا و قالي مينفعش تتجوز دي قلتله دي اللي أنا حبيتها جداً و شخصيتها زي ما هي كدا أنا منبهر بيها و فعلاً عايز اتجوزها و اعيش معاها و لما لقاني مصمم هو كمان صمم بالرفض و قالي لو هتتجوزها يبقى تساعد نفسك بنفسك متطلبش مني أساعدك و إنت حر بعد كدا أو على الأقل خالص تغير نظام حياتها تترك شغل السياحة و تتحجب و ده طبعاً مرفوض منها و مني أنا كمان أنا حبيتها زي ما هي كدا و مش عايز إنها تتغير قلتله يعني كدا هتظلمني يا بابا مش مفروض تعدل بيني و بين أخويا رد عليا بأن مرات أخويا ظفرها برقبة البنت اللي أنا عايز اتجوزها و طبعا حسيت هنا بكمية ظلم كبير و فرض رأي و تحكم و إن مساعدته ليا مشروطة برضاه عن مراتي المستقبلية".

واختتم: "يعني هو مش المفروض أنا اللي هعيش مع الإنسانة دي و لا أبويا بجد ليه يتحكم فيا كدا هو أنا مش من حقي إني أختار شريكة حياتي اللي هعيش معاها مش اللي ترضي طباع وعادات أهلي وبعدين كدا لما يساعد أخويا و يجوزه فعلا بعدين يشترط في مساعدتي أنا الشروط بتاعته من غير ما يديني حرية إختيار مراتي مش كدا يبقى ظلم".

وجاءت الردود عليه كالتالي..

هو غير راض بزواجتك ليه يساعدك فيها وهو غير راض عنها هو كان راض عن زواج اخوك فساعده ليه يساعدك وهو مش متقبل زواجك فكر بالمنطق هو لم يرفض زواجك لكنه رفض مساعدتك في زواج هو لا يقبله على اسرته وهو حر في ماله اما انت فيمكنك ان تتزوج هو لم يجبرك على شيء ان كنت غير قادر على الزواج فهذه مشكلتك ليه تحملها لوالدك

ان كانت تحبك فستقبل بك بوضعك المادي ولن تتشرط عليك الكثير لكن ان كانت لن ترضى بك الا بمساعدة والدتك فهي لا تستحق وان كنت انت لا يمكنك ان تقوم بدورك باقل صورة فانت غير مستعد للزواج من الاساس فاعتمد على نفسك ولا تعتمد على والدك ان كان سيتحكم بك ففي النهاية ان كانت مساعدته مشروطة فلا داع لها