سيدة تسأل: هل أطلب الطلاق من زوجي الشكاك؟
روت سيدة مشكلتها مع زوجها، عبر حساباها على مواقع التواصل الاجتماعي وطلبت من متابعيها ردودا وحلولا لها، لتفادي ما حدث معها واستقرار حياتها الزوجية.
وقالت السيدة في شكواها:
هل يجوز أن أطلب الطلاق من الزوج الشكاك اعاني من زوجي عندي ٣٩ ومتزوجة من ١٢ سنة زوجي اكبر مني بخمس سنوات هو للاسف عصبي جدا وسيء الظن اغلب الوقت بعد زواجنا كنا بنختلف ودائما كان فيه افكار معينة عنده لازم يفسر اختلافنا انها هي الأفكار دي زي العند والندية أو الكذب والخبث أو أن تصرف معين يدل على الدجل والشعوذة رغم ان مكنتش بقصد العند كان كل هدفي اعبر عن رأيي أو اطلب المناسب ليا ولا بكون بكدب عليه بس مكنش بيصدقني ولا اعرف يعني إيه دجل وشعوذة وبعد كل موقف نتخاصم وبعدين ييجي يعتذر ويراضيني وكنت ديما بقبل اعتذاره
فضلنا كده لحد اخر سنة ونص اتغيرت المشاكل لغيرة زيادة وصلت للشك كل تركيزه أصبح على قصص وحكايات الزوجات الخاينة أو متعددة العلاقات أو المتلاعبة أصبح بيقعد مع ناس بيتكلمو عن حكايات لزوجات بيخونو ازواجهم ومع كل حكاية بيسمعها لازم يسألني عنها وإذا ممكن اعمل كده او حتي يفضل يتكلم بحجة انه بيدردش معايا لكن كنت بتضايق جدا من كده وبرفضه بس كان بيزعل من رفضي وبيعتبره بدافع عن الخيانة وكل مشكلة بينا فيها كلام عن الأخلاق أو الشرف بقه يشوفها اني رافضاه وعاوزة انفصل عنه لأن فيه حد تاني في حياتي.
من سنة تقريبا اعترفلي أنه كان بيعاني من الوسواس القهري واتعالج منه وقالي أنه بيعترفلي علشان اعذره ومزعلش من كلامه وحكالي اكتر من موقف بينه وبين بنات مش كويسة كان فيها تجاوزات في فترة المراهقة غير أنه كان مدمن للمخدرات وكمان اتعالج منها حاليا هو بيشرب سجاير فقط والمفروض أنه اتعالج من كل ده في فترة الكلية وركز في دراسته واتخرج وسافر وبدأ يبني مستقبله وحالته استقرت حصلت مشكلة بينا من اسبوعين لنفس الكلام عن اخلاقي وكمان ضربني ومش اول مرة تحصل المشكلة دي وبابا جالي البيت وغلط في بابا وسيبت البيت واتدخل طرف من عنده بيحاول يصلح بينا ويحاول يرجعني البيت لكني رفضت ولأنه عنيد محاولش يكلمني ولا ييجي يعتذر ويرجعني واعتمد أن اللي اتدخل يرجعني بس رفضت وطلبت الطلاق ولما عرف اني عاوزة اتطلق قال إنه عاوز ييجي البيت ويعتذر لبابا وأرجع معاه بس أنا متلخبطة وخايفة ومترددة مع العلم معايا ٣ اطفال مش عارفة اتصرف ازاي.
وجاءت الردود عليها كالتالي..
اتركي الامر لوالدك هو يقرر ان كنت لا تستطيعي ان تقرري وفي النهاية ان عدتي له لان والدك هو من اعادك فامامه انت لم تعودي بعد ستظلي تعيشي معه لكن بالاجبار وهو سيريدك ان تعودي كما كنتي في السابق لكن لا تعطي له هذا الا اذا ضمنتي تغيره الكامل.
يعني انت عشت معه من ١٢ سنة والان تريدي الطلاق ومعك ٣ أطفال لا ارى ان ما تطلبيه صحيح يمكن ان تستمري في هذه المسرحية للتهديد لكن الطلاق الحقيقي لا معنى له الان بعد كل هذا العمر كما انه مازال متمسك بك ويريدك فلا ارى معنى للطلاق يجب ان تؤدبيه لكن لا تصلي للطلاق الفعلي.
زوجك مريض نفسيا و خبيث