آن هاثاواي تتألق بفستان أبيض في روما للكشف عن مجموعة مجوهرات بولجاري الجديدة
«عايشة بذاكرة سمكة».. تعرفي على أسباب النسيان وعلاجه
قال الدكتور مجدي بدران؛ عضو الجمعية المصرية للحساسية والمناعة؛ أن أسباب النسيان متعددة، ومنها القلق وعدم التركيز والتدخين، وجاء ذلك في مداخلته الهاتفية مع برنامج "السفيرة عزيزة".
وأكد "مجدي" أن زيادة الوعي والتركيز يزيد من القدرة على التذكر واسترجاع المعلومة: "لما يكون حد بيكلمني مينفعش أسمعه وأنا بلعب في الموبايل ومينفعش أذاكر وأنا بتفرج على التلفزيون أو بشوف كل شوية رسائل الموبايل يبقى إذن لازم أركز في الشيء اللي بعمله أثناء أدائه لأن ده هيخليني منساش".
ونصح "بدران" بضرورة التدوين لما له من عامل قوي في زيادة التذكر، "وإيه المشكلة إننا ندون ونعمل ترميز للحاجة عشان مننسهاش، يعني مثلا حاجة مهمة أوي أعملها بلون مختلف بدايرة أو خط تحتها، يعني مثلا لو أنا طالب في طب ومطلوب مني أعرف أسباب مرض معين وهما 10 أسباب ممكن آخد الحرف الأول من كل سبب من دول وأكون منهم كلمه لما أشوفها أتذكر كل الأسباب".
وأشار "مجدي" إلى قلة القراءة والإطلاع باعتبارهما من أسباب حدوث الزهايمر في سن الشيخوخة: "فزي ما لعضلات الجسم رياضة للعقل رياضة تنميه وهي القراءة، حتى إنه أول كلمة نزلت في القرآن اقرأ"، مضيفًا:" قلة النوم تجعل الأداء العقلي أقل وتجعل المخ غير قادر على إعادة ضبط خلايا الذاكرة"، ومؤكدًا أن السهر من أكبر الأخطاء التي قد تعزز النسيان خاصة للطلاب ليلة الامتحان.
وأكد "مجدي" على ضرورة الاهتمام بالتغذية: "الناس عندها سوء تغذيه ومش دريانة إنهم مش بياكلوا صح فلازم أهتم بمجموعة الفيتامينات بتاعة المخ اللي أنا عاوزها زي؛ b12_b1_b2_b3_c ".
اقرأ أيضًا..
