مبروك عطية لمتصلة: غوري فى داهية| فيديو

قاطع الدكتور مبروك عطية أستاذ الشريعة الإسلامية بجامعة الأزهر متصلة تُدعى "إيمان" من القاهرة، أثناء حديثها عن ضرتها، قائلًا: "الرسول قال على الضرة إنها أختك يا إيمان.. واحنا مش عاجبنا النبي يبقى المفروض نخبط دماغنا فى أوسخ حيطة أو غوري فى داهية.. هى أختك موجودة".

فردت المتصلة فى مداخلة هاتفية لبرنامج "الموعظة الحسنة" المذاع على فضائية "دريم"، قائلة: "متوفية.. وكنت أنا الزوجة الثانية، وأنا أرملة من 4 أشهر فهل يجوز لي الزواج".

فرد الدكتور مبروك عطية، قائلاً: "لو أختك موجودة دلوقتي ..اللي هي ضرتك.. كانت هتبقى فى العدة برضو زيك اللى هي 4 شهور و10 أيام، والعدة دي جاية من العدد، يعني بنعد علشان نتنيل لو عايزين نتنيل 4 شهور و10 أيام".

واستشهد بقول الله تعالى في سورة البقرة: "وَالَّذِينَ يُتَوَفَّوْنَ مِنكُمْ وَيَذَرُونَ أَزْوَاجًا يَتَرَبَّصْنَ بِأَنفُسِهِنَّ أَرْبَعَةَ أَشْهُرٍ وَعَشْرًا ۖ فَإِذَا بَلَغْنَ أَجَلَهُنَّ فَلَا جُنَاحَ عَلَيْكُمْ فِيمَا فَعَلْنَ فِي أَنفُسِهِنَّ بِالْمَعْرُوفِ ۗ وَاللَّهُ بِمَا تَعْمَلُونَ خَبِيرٌ", الآية رقم 234.

وتابع: "تربص يعني عدد يعني لازم تعدي يا حبيبتي 4 أشهر و10 أيام وبعدها لو عايزة تتجوزي تتجوزي، ولو مش عايزة خلاص".

ومن جانبها تابعت المتصلة: "ربيت ولاده الأيتام، حتى كبروا وبعد وفاة والدهم طردوني، وأخذوا مني كل شيء حتى الأشياء اللى من حر مالي، خاصة وإني كنت أعمل فما حكم الإسلام؟".

فرد الدكتور مبروك عطية: "كل الأشياء التي أخذوها منك واللى أنت اشتريتها من حر مالك واللى جوزك جابها ليك هدية والأولاد أخذوها فهي سرقة وحرام وهيتشووا بها يوم القيامة".