الجمعة 29 مارس 2024 الموافق 19 رمضان 1445
رئيس مجلس الإدارة
خالد جودة
ads
رئيس مجلس الاداره
خالد جوده

مها العطار: الطلاق والوفاة والمرض سببهم الحسد.. وعلاماته النمل في بيتك

السبت 04/سبتمبر/2021 - 10:17 م
هير نيوز

أكدت خبيرة الطاقة الدكتورة مها العطار، أن الحسد أشد ضررا من السحر، وأنه غالبا ما يكون الشخص المحسود هو الذي تسبب في إصابة نفسه "من أعمالكم سلطت عليكم" على حد قولها. 

حيث كتبت "العطار" عددًا من الحكايات الواقعية التي تسبب فيها أصحابها بإصابة أنفسهم بالحسد؛ وذلك في منشور رفعته على حسابها على الفيس جاء فيه: "نزلت صورتها على الواتساب هي وجوزها بعد ما رجعوا من المصيف " وكتبت أيام جميلة يارب تتكرر دايمًا " تاني يوم حصلت خناقة بينهم بدون أسباب ووصلت للطلاق !!

وتابعت: "واحد بيحكي لما مراته كانت حامل جاب لها فيتامين غالي شويه ، واحدة شافت الفيتامين قالت لها " الولد هينزل يمشي" الولد نزل وعنده إعاقة وتشنجات وقبل الشهر الخامس توفاه الله !!

وأخرى بتحكي بتقول صديقتي راحت مرة مصيف ، قبل ما توصل جالها اتصال من جيرانهم " يابختك جوزك مدلعك "، قبل ما يوصلوا بــ 40 كيلو العربية اتقلبت بيهم. 

وأكملت:" ناس كتير فاكرة إن الحسد لا يؤثر مثل السحر، والعكس صحيح الحسد أشد وأكثر ضررا من السحر وأكثر انتشارا، ولذلك كثير من الناس لا يحكم على الأعراض اللي عنده من؛ خجل وغضب و وساوس وقولون وغيرها؛ بأنها من العين لأنه يرى بأن الأمر عادي ولا يصل لمرحلة العين".

وتابعت:" ناس كتييير ممكن تحسدك على ضحكتك أو شغلك أو أهلك أو صحابك أو صحتك، فإذا كان الحسد مثلا موجها للشعر انقلب الشعر من غزير إلى ضعيف متساقط ومن ناعم الملمس إلى خشن الملمس ،   وتلاقى واحد بيقول لواحد ايه يا عم العربية الحلوة دى وتلاقى هووووب الرجل وهو سايق العربية لبس فى عمود، تلاقى واحدة رايحة تبارك لواحدة صاحبتها أو قريبتها في الصباحية تقوم تخش شقتها تفقعها العين المتينة فى جهازها".

وأشارت العطار إلى أن النمل في المنازل نوعين؛ وذلك في إجابتها على سؤال: " هل النمل والدود والصراصير والرائحة الكريهة في المنزل دون سبب معلوم هي من أعراض الحسد؟ فهناك نوع عادي ويكون في عدة أماكن في المنزل، ونوع بسبب الحسد" .

وأردفت: " يتواجد في مكان واحد في أغلب الحالات،  ويختفي بصرف العين وفي هذه الحالة لن يعود،  وهذه إحدى العلامات القوية بوجود الحسد،  في المنزل ولكن هناك علامات تتعاضد معها لنقول أن البيت محسود،  وهي تصدع بعض الجدران ولو كانت جديدة، أو الأعطال المستمر في الأجهزة الكهربائية وتكرار ذلك.

وعادت مرة أخرى تضرب الأمثلة: " مصطفي حفناوي شاب رياضى و لسه فى بداية عمره افتتح كافيهات و بينزل صوره فجأه بدون أى مقدمات جلطه وشلل نصفى وهو قاعد بيضحك وبيهزر،  بطلو تريقة على الناس وغل بقى شويه لو انتو مبتتحسدوش غيركم بيتحسد مش كل الاجسام زى بعض فى استقبال الحسد،  قبل حادثه مصطفي حفناوى كانت فيه حادثه تانية لبنت اسمها ليلي . 

 بلوجر على يوتيوب وأي كان الى هي بتقدمه سواء بيعجبكم أو لا دي حريه شخصيه دي حاجه بتاعتها هي مش موضوعي، الموضوع دلوقتي ان ليلي  كانت بتحضر لفرحها وكانت بتصور وتنزل كل تفصيله بتحصل معاها طبيعي زي أي عروس فرحانه.

وتابعت: " اللى مش طبيعي بقى ان دي واحده كانت ف كتب كتابها من اسبوع وبعد اسبوع وبعد ما صورت شقتها والناس قعدت تتكلم عنها وعن كتب كتابها وعلي شقتها وكان في كميه حقد وحسد من الناس دي مش طبيعيه، ليلي دخلت العنايه اه قضاء وقدر و كل حاجه بس  دي مش صدفة الحسد (( بيخرب،  بيمرض، بيموت )).

وأشارت إلى :" فرح هنا الزاهد اللي بعده دخلت العناية المركزة، طلاق ياسمين صبري بعد ما قعدت تقول شعر في جوزها علي الشاشة وتوصف حياتها الخاصه، طالب الثانويه العامه اللي مات فجأة بعد إعلان النتيجة ٩٩٪

وحوادث كتير غيرها، ربنا يحفظ الجميع ويطهر قلوبنا".

وأنهت: " كلها من افعالهم؛ بمعنى من الذي نشر حياته الخاصة علي الناس؟! من يتباهي علي الناس بنعم ربنا عليه؟! من افعالكم سلطت عليكم،  حياتك الخاصة ليست للعرض علي الناس، ومن يفعل ذلك يجازي عليه ولا يلومن إلا  نفسه".

أول طريق لعلاج الحسد هو أنت
فأحسن التصرف..  ربنا  يحفظك

اقرأ أيضًا..

ads