10 فوائد لزيت الجوجوبا تدفعك لاستعماله يوميًا
ريهام سعيد لجمهورها: عندي كورونا.. كفاية تاخدوا من أعصابنا وصحتنا
الخميس 23/سبتمبر/2021 - 03:46 م
أمنبة فوزي
أعلنت الإعلامية ريهام سعيد عن مرضها بفيروس كورونا المستجد، من خلال مشاركتها لصورة من داخل المستشفى عبر حسابها الرسمي عبر موقع التواصل الاجتماعي فيسبوك.
معاناة من كورونا
وكتبت ريهام: "بقالي أسبوعين بعاني من كورونا، والحمد لله الرئة اتأثرت واتحجزت في المستشفى من شوية، إحساس غريب وانت عندك حاجة مميتة، بتراجع نفسك كتير وتحاسب نفسك كتير أكيد غلطت، لكن عمري ما قصدت، وكان دائما الغرض نفع الغير وإظهار الحقيقة".
واستكملت: "شكرا يا رب على حبك ليا وشكرا على ابتلاءاتك الكتير اللي بتدل على اهتمامك بيا، إذا كانت دي النهاية يا رب أحسن خاتمتي واحسب لي كل عمل عملته لوجهك الكريم، يا رب أنت الوحيد اللي عارف أنا عملت إيه وكانت نيتي دائما إيه".
استحملت وصبرت
وأضافت سعيد: "استحملت وصبرت على افترا وظلم كتير، يا رب اغفر لي وسامحني وخلي بالك من أولادي، إذا كان ده اختبار من اختباراتك ولسه في العمر بقيه يا رب اشفيني واقف جنبي وسهل عليا محنتي أنا راضية بأي شيء".
واختتمت ريهام كلامها: "نصيحة لكل واحد بيهاجم مشهور أو ناجح، انت بتاخد ذنب رهيب انتوا بتاخذوا من أعصابنا وصحتنا وكله على باطل، خلي بالكوا الأذية دي وحشة أوي وهتقعد لك في أعز ما عندك.. أرجو الدعاء بالخير ليا أي كان هو إيه".
