الخميس 28 أكتوبر 2021 الموافق 22 ربيع الأول 1443
رئيس مجلس الإدارة
خالد جودة
مدير التحرير
محمد عبدالله
رئيس مجلس الاداره
خالد جوده
مدير التحرير
محمد عبدالله

فاتن نصر تكتب: أيوه مش عايزه ورد يا إبراهيم

السبت 09/أكتوبر/2021 - 12:34 م
هير نيوز


 

ما تضحكش علي المدام بوردة … هي عايزه الأجمل من الورد …

رقته بكل تاكيد الورد جميل ولغة رقيقة تعبر عن مشاعر جميلة ، لكن في الزمن الحالي حاجات كتير قوي تحتاجها الزوجة أهم من الورد….

 تحتاج تحس بالسند ، بالأمان..

 بأن لها رصيد في الحياة لا ينفد عند شريك حياتها

تستشعره بكلمة حلوه  مهما كانت بسيطة

تسلم ايديكِ حبيبتي … إنت بتتعبي معانا … ربنا يخليكِ لينا

كلمة  ممكن تمحي تعب اليوم كله

كتير من الزوجات تتمنى أن تظل في بيتها لا تخرج للعمل .. و لا تتعرض للتعب والمهانة من كل من هب ودب

 وترجع بيتها ملهوفة على المطبخ لتجهيز غدا اولادها وزوجها …

وبعدها مذاكرة للولاد وتنضيف البيت

وتقوم بعملها كربة بيت في الفترة المسائية بعد ما انشغلت الفترة الصباحية بالعمل

و كل هذا  لتوفر لبيتها وأولادها مستوى معيشة أفضل

حتى لو لم تكن تعمل خارج البيت …

 أصبحت كثير من الزوجات الآن تلجأ لعمل من خلال بيتها ….

صنع طعام مثلا …. سواء أكلات مصرية متميزة ….. او حلويات

أعرف زوجات اخترن ان يقمن بتنضيف الخضار وتجهيزه مثلا وبيعه لمن يحتاج…..

والتي لا تجيد ذلك لجأت بعضهن إلى موضوع التجاره الألكترونيه …بكل ما فيه من متاعب وعناء ومخاطر

لا تُبالِ

 في سبيل رغبتها في أن تخفف العبء عن زوجها وأن توَّفي طلبات أولادها

ولكنها المحاولة لتكون عونا لزوجها و بيتها ليكون كما تحلم لهم وكما يتمنون

 

 هي لا تنتظر ورد... فالورد تكلفة بيتها أولى بها

 وهي التي اختارت التضحية بما تحبه هي لترضي ولادها وزوجها

 

كلمتك الحانيه عزيزي الزوج هي المطلوبة

لن تكلفك إلا مشاعر حقيقية تزيل من على قلب زوجتك عناء كل ما تعانيه كي تسير بالمركب ولا تشغلك بالهموم

برغم أنك أحيانا قد تكون سببا في هذه الهموم

 

الستات مش عايزين ورد يا إبراهيم …

عايزين تقدير …

 وكلمه طيبه من اللي بتقولها للستات بره يا إبراهيم

 

يعني ما تبقاش مغرق زميلاتك وكل حريم الكون حواليك رقة و كلام حلو

و تيجي عند اللي مفروض تقوله لها و تعمل نفسك من بنها يا إبراهيم

 

الكلمة الحلوة صدقة

 

ياللي بتضحك في وش الكل … إضحك في وش أهل بيتك تكسب ودهم

وتكسب سعادتك وسعادة بيتك

بدل ما تندم لما تعيش لوحدك

وما تقولش طب ويعني الستات مالهاش دور … أقول لك قلنا الستات كتير

لكن الإيد لوحدها ما تصقفش

صقفوا سوا يا إبراهيم

عذرا لكل إبراهيم إن كانت جت في حضرتك بس الفيلم بقى اختار إبراهيم عشان يتقال له عايزه ورد يا إبراهيم

ربنا يهدي سر كل البيوت وتبقى كل الحكايات وراء الأبواب حكايات محبة و سعادة وهنا

 


الكلمات المفتاحية