«هل ينتهي الحب بعد الجواز؟».. تعرفي على الإجابة من خبرات النساء

وجاءت ردود النساء على المنشور جميعها تؤيد أن الحب لا ينتهي بعد الزواج أو يقل بل هو يتحول ليصبح بشكل آخر جديد لكنه يستمر وبقوة.

وقالت ندى: « هو أنا لسه متجوزتش بس حاسه أنه لأ وأنه بالعكس كمان بيزيد بس ده بيختلف من اتنين واتنين طول ما فيه احترام وموده هتلاقي نفسك في الوقت اللي هو مش طايق نفسه فيه انتي عرفتي تمتصي غضبه مش اتخانقتي معاه وقولتيله انت بتزعق ليه وتبتدي تزعقي انتي كمان وهو لما يشوفك تعبانه وخلقك ضيق تلاقيه عمال رايح جاي يعملك في حاجات فتشوفيه فتهدي ويراضيكي الحب يقل أو يزيد ده بيختلف مش كل المتجوزين حبهم قل زي ما فيه ناس كتير الحب قل مبينهم بسبب الالتزامات فيه ناس كتير عرفت تعدي حاجه زي كده وعلشان كده حبهم زاد».

وعلقت أيضاً يارا وقالت: «مبيبقاش مجرد مشاعر وكلام بيتقال بيكون مواقف وعشرة و ذكريات بتتبني بيبان في حاجات كتيرة أوي في يومكم ولو بسيطه الرومانسيه اه بتقل لكن الحب بيعيش أكيد».

وقالت الاء: «لا بالعكس ده بيبان اكتر، وبيبان إذا كان شريك حياتك بيحبك ولا لا وتهونى عليه ولا لا اللى قبل الجواز ده على رأى بابا بيكون الحجات الحلو بس فيه بتبان ومش بيبقى مفهوم ده ايه لكن الحقيقه كلها بتبان بعد الجواز».

وعلقت أميرة: «لا طبعا وبجد متسمعيش كلام حد يقولك كده خالص ولا حد بيخوفك من الجواز بس ممكن يكون فيه اوقات صعبه او مشاكل عاديه ودي بتعدي اكيد وبالنسبه لي بتخلينا نفهم بعض اكتر ونحاول نتجنب سبب المشكله مش نكره بعض او نبطل نحب بعض وقصاد ده هتلاقي حاجات كتير اوي اوي حلوه كفايه انك هتكوني مع الشخص اللي بتحبيه وهتعيشو مع بعض كل حاجه وتكونو دايما مع بعض».

وقالت سلمى في تعليق آخر: «بالعكس احنا بس مسؤولياتنا بتتغير وبتزيد فممكن نحس كده لكن كل حاجة بتاخد شكل الطف واقرب ومختلف اكتر بعد الجواز كل حاجة في روتين يومك ويومه لو رجعتيها لأصلها حتلاقيها بتتعمل عشان بعض وعشان بنحب بعض كمان المواقف الصعبة بتكون علامة وبتفرق جدا».