تفسير رؤية الديناصور في المنام
تعليقات نسائية مليئة بالحسرة والألم.. إزاي تعرفي إن جوزك بيخونك؟
الخميس 13/يناير/2022 - 10:15 ص
ساندي جرجس
رصدت «هير نيوز» تعليقات النساء والفتيات المؤلمة على موقع التواصل الاجتماعي "فيس بوك" فيما يخص خيانة زوجها أو خطيبها لها، حيث نشرت إحداهن تتساءل «اكتشفتي أنه بيخونك ازاي؟!».
وكانت هناك مئات التعليقات من نساء تعرضت للخيانة تروي مأساتها، ومنها منة التي كتبت في تعليق: «إحساس وفتشت الفون لقيت إحساسى صح والحمد لله اتجوزها عليه واطلقت أنا».
وتعليق فاطمة: «طلعت على السجل المدنى طلعت قيد عائلى الباشا طلع متجوزها مرتين مرة قبلى ومره بعدي بس نشيته محضر تزوير محترم وهو ورزقه بقى».
وكتبت إسراء في تعليق آخر: «الحاجات دي بتتحس لو حسيتي إنه بيخونك يبقي بيخونك».
وقالت ريهام: «دايما بقفشه بالموبايل وغضبت عند أهلي روحت اجيب حاجة من شقتى لاقيته معاه واحدة أول ما شفنى طلع يجرى».
وعلقت دعاء قائلة: «لما ضغطت عليه ووقعته في الكلام بطريقة indirect ولما اتأكدت انه مش باقينى بمليم عشان واحده ربنا يعلم بيها، وصممت وسبته وفركشت وأهلى والجميع صمموا وبعد شهرين لما عرف قيمتى بعتلنا ناس عشان يرجع طردناه وماوافقتش أبدا».
وقالت أسماء في تعليق: «كان بيقعد يكلم أخته من بعد الساعة ١ بالليل لحد ٤ الفجر والاقيه ويت يقولي دا مش انا اللي بتكلم دي أمي اللي بتكلمها وأما زنقته في الكلام اعترف حبيب ماما».
وقالت سلمى: «كنت مخطوبه لواحد صاحبتي خانتني معاه مش هو اللي خاني وكانو بيتفقو أنها تروحلو الشقه كانت خيانه عنب الصراحه، عمري ما انسى وجع قلبي وقتها».
وعلقت رحمة: «بيبان طبعا من الطريقة والمعاملة وعدم الاهتمام حاجات كتير بتبن طبعا وأهم حاجه احساسك عمره ما يكدب عليكي مش لازم تقفشيه يعني في تصرفات صغيرة كده بتبين وهو بيعملها من غير ما يحس فبتفهمي منها المهم انتي متشغليش راسك ووكلي ربنا بينك وبينه وربنا قادر يايهديه يايبعده عنك خالص».
اقرأ أيضًا..
