تامر حسني يتغزل ببسمة بوسيل في زفاف ريم سامي .. هل عادا؟ (فيديو)
10 أمور بتخلي «الشيلة» تقيلة.. احذري منها
قالت الدكتورة نانسي ماهر، خبيرة العلاقات الأسرية ومرحلة المراهقة، إن هناك 10 أمور تُثقل المسؤوليات وأخرى تخففها، وذلك عبر منشور
كتبته على صفحتها الشخصية على الفيس بوك.
السلبية
وأكدت "ماهر" أن الآراء السلبية تُثقل "شيلتك، يعني مثلا فكرة أنت مش
عارف مش فاهم مفيش فايدة فيك".
النقد والتنظير
وتابعت خبيرة العلاقات الأسرية ومرحلة المراهقة: "لما تلاقي ناس حواليك بتعدل عليك وبتنتقد
طريقة شيلتك للأمور بتتقل الشيلة عليك".
الوحدة
"لما تحس إن الشيلة كان ممكن تتقسم على حد معاك وتلاقيه
بينسحب وبيسيبك وحيد".
القلق
"التوتر والقلق بيتقل الشيلة لأنه ممكن يخليك من كتر
التوتر مش عارف تشوف الفرص ولا الحلول".
الأنانية
إذا وجدت أحد أو حتى عقلك يخبرك طيلة الوقت: "وأنت مالك
سيب الدنيا تغرق، أوتوماتيك بتحس إن شيلتك بقيت اتقل وخصوصا لو أنت عارف إن دي مسئوليتك".
الشيلة الكاذبة
"لما حد يجي يشيلك شيلته ويحسسك أنها شيلتك أنت مع الوقت
لما تفهم هتلاقي شيلتك تقلت عليك برضه".
الخوف
الخوف من المجهول، من الفشل، من رأي الناس كل ده يتقل الشيلة.
النكد
لما تلاقي حد بينكد حياتك وأنت شايل الشيلة بتحس إن شيلتك
تقلت".
المقارنات
لو قارنت نفسك بظاهر الناس هتفتكر إن شيلتك اتقل وده مع الوقت هيتقل شيلتك عليك برضه.
غياب الحب
الشيلة اللي بتخلو من الحب بيسودها الغصب أو القهر فبتتقل عليك قوي.
وأنهت خبيرة العلاقات الأسرية ومرحلة المراهقة نصائحها: "الضغوط أو الموهاترات stressors أو المسئوليات موجودة في كل حتة، ركز بس في الروح اللي بتشيل بيها والناس اللي حواليك والمشاعر والأهداف اللي بتشيل بيها وعلشانها".
اقرأ أيضًا..
