طريقة عمل الآيس كريم بالفراولة بمكونات سهلة
«مشاكل الخطوبة والجواز ووحم الحمل».. أبرز حكايات النساء على السوشيال ميديا اليوم
الأربعاء 16/مارس/2022 - 01:59 م
ساندي جرجس
تستخدم النساء مواقع التواصل الاجتماعي بشكل يومي؛ من أجل متابعة كل ما هو جديد والتواصل مع الأصدقاء وحتى عرض المشكلات والحصول على النصائح؛ حيث أصبحت تلك هي الطريقة الأكثر شيوعاً بين النساء في الحياة الاجتماعية.
وتداولت البنات والسيدات عدة موضوعات اليوم في منشورات على جروبات النساء، والتي كانت تدور حول مشاكل الخطوبة وأهل الزوج وأيضًا مشاكل الحمل والوحم في بدايته.
وتساءلت امرأة عن الوحم عند السيدات في فترة الحمل الأولى، وقالت: «اتوحمتي علي أي في أول حمل ليكي؟!»، وكانت التعليقات كالآتي:
على كحك العيد
قالت مرام: «على كحك العيد ابو سكر بودرة دا وكنت في الشتا ولما قولت لماما ربنا يشفيهالي عملتهولي»، كما علقت هبة: «اتوحمت على الفول الأخضر والكسكسي الله يرحمها ماما فقيدة قلبي مكانش أوانهم وقعدت تحارب لحد مجابتهم ليه».
اقرأ أيضًا..
الفراولة
وعلقت مي قائلة: «اللي اتوحمت عليه في الأول مطلعش فبنوتي وطلعلها فراوله في شعرها من ورا وأنا الفراولة كان نفسي فيها في نص الشهر السابع».
ما كنتش فاضية
وقالت هبة: «ولا أي حاجة خالص مكنتش فاضية أول 3 شهور كنت برجع ونفسي اتسدت عن كل حاجه وخسيت 15 كيلو دعواتكم بقى أقوم بالسلامة».
وعلقت عزة: «كل الحاجات الرخيصة شوربة عدس جبنه رومي رز بلبن درة مشوي وكبدة، وكانت ممنوعة وطلعت وحمة لبنتي على هيئة كبدة حمرا مربعة».
فترة الخطوبة
بينما طرحت إحدى الفتيات سؤالا عن فترة الخطوبة وعلاقة العروسة بأهل الزوج المستقبلي، وقالت: «عايزة أسألكم سؤال لو انتي مخطوبة وأهل خطيبك مش طايقينك وفي خلاف بين العيلتين وهما مش عايزين الجوازة أصلا بس ممشينها عشان خاطر ابنهم.
لو ابنهم كويس معاكي هتكملي ولا لا؟».
وأجابت عليها لمياء في تعليق: «هاتتعبي جدا جدا بعد الجواز.. فأحسن ليكي إنك تنهي الجوازه دي وإن شاء الله ربنا هيكرمك بالأحسن».
ونصحتها بسمة: «كملي أنا كنت كده في الأول ومكنوش عايزيني خالص وبعد الجواز الحمد لله الدنيا اتبدلت خالص، وهو كان كويس وكان مخليني صابرة بس ربنا هداهم. متسمعيش كلام حد يقولك سيبي ومش هترتاحي، خليها على الله وكملي وربنا يهديهم».
ما تكمليش
وعلقت هاجر: «لا متكمليش وهقولك ليه لأنك هتتمسكي بيه وهو كويس ومتفهمني وبيحبني وأنا هتجوزه هو مش أهله لا يا حبيبتي إنتي بتتجوزي العيلة كلها مش هو بس، وأول ما تتجوزي هيقولك لا دول أهلي وأَهم حاجة في حياتي وحتى لو كان ده مش ظاهر في الأول وفي الآخر هما بردو أهله دول اللي هيخربوا عليكي وهتتطلقي يبقى تخلعي من دلوقتي أحسن».
وقالت إيثار: «عمرك ما هترتاحي حتى لو إيه مسيره هيتأثر بكلام أهله في يوم .. وانتي نفسك مش هتحسي إِنك مرتاحة أساسًا بالوضع ده خالص».
وعلقت آية: «لا متكمليش طالما الأهل مش عايزينك عشان مش هترتاحي، ومهما حصل مش هيخسر أهله عشانك انتي مش هتتجوزيه لوحده انتي هتتجوزيه هو وأهله، لكن لو العكس في مشاكل بين عيليتن وهما عايزينك وحبينك كملي أينعم هتبقي باردو ساعات ييجي عليكي وقت تفكري في العيليتين لأن جواز عيلتين هتحسي إنك مكسورة وتفكري كتير ومحدش هيحس بيكي، وفي حاجة ناقصة بس أحسن مايكونوا مش حابينك».
