الجمعة 29 مارس 2024 الموافق 19 رمضان 1445
رئيس مجلس الإدارة
خالد جودة
ads
رئيس مجلس الاداره
خالد جوده

«جوزي بيخوني بعد 16 يوم جواز أعمل إيه؟!».. وإحدى النساء: «افضحيه»

الإثنين 04/أبريل/2022 - 11:12 م
هير نيوز

«جوزي بيخوني وبقالي 16 يوم متجوزة»، كان ذلك ما كتبته إحدى النساء في منشور على موقع التواصل الاجتماعي "فيسبوك"، حيث تشكو ما بداخلها مع الأخريات على جروب النساء وتطلب النصيحة منهن.

وكانت التعليقات جميعها تدعو تلك المرأة للابتعاد عن الإنجاب من ذلك الرجل حيث أنه لا يؤتمن عليها، والبعض نصحها بالطلاق.



- افضحيه عمره ما هيتعدل

وقالت سلمى في تعليق: «بصي نصيحة لازم متكمليش معاه واوعي تقولي انا لسه عروسة واستحمل وكلام الناس والهبل دا.. لأن الخاين عمره ما هيتعدل ابدااا والعيب مش فيكي لا هو اللي إنسان مش محترم وهيفضل طول حياته زاني فأبعدي دلوقتي لأن حرام عمرك يضيع معاه لأن النهاية معروفة فمش قابلة للتأجيل وربنا يعوضك خير».



بينما علقت دينا: «امسكى دليل وافضحيه وبهدليه فى المحاكم ويبقى عبره كده واطلقى منه وهتاخدى وقتها حقوقك كلها والحمدلله انك لسه مافيش بيبى إن شاء الله ربنا يعوضك براجل بجد يصونك اللى يخون مره هيعملها الف ده انتى لسه عروسه».



- جديد وبيلين

وقالت إيمان في تعليق آخر: «جديد في الجواز فبيلين وعايز يدوس ده بجد مش هزار ربنا يهديهولك ويسعدكم يارب».

بينما علقت هدير قائلة: «ارجوكي اتطلقى ارجوكى ماتسكتيش ارجوكى ربنا بيبين لينا حاجااااات كتير في الاول واحنا اللى بنكمل ف الغلط ومش بنبص لرسايل ربنا ولو عديتى وكملتى هتعيشى طوووول عمرك ندمانة وهتخسرى حاجات كتير اوى و الوجع هيكون اكبر بكتيير صدقينى ولو لقدر الله كملتى وجبتى بيبى مش هتعرفى هيبقى الوجع والقهرة قهرتين وهتظلمى نفسك وطفل مالهوش ذنب انه يتربى مع ام حزينة وموجوعة احمدى ربنا انه نور بصيرتك واطلقى يابنتى وحسبى الله ونعم الوكيل فى كل راجل خاين وخداع».



- أوعي تخلفي

وقالت شيماء: «متفكريش تخلفي خالص منه ويبقا احسن لو اتطلقتي من اولها متعديش وتقولي يمكن يتغير لانه عمره ما هيتغير حتي لو بيحبك دا طبع ومرض».



بينما علقت نورهان: «بعد أسبوعين ... بعد كدا هيعمل ايه !! حسبي الله ونعم الوكيل مش عارفه اقولك ايه والله بس روحي لدكتور وشوفي افضل وسيله منع الحمل ليكي».

وقالت هاجر في تعليقها: «اوعي تروحي لأهلك غيري تعاملك معاه للأحسن جدا لدرجه انه يشك انك عرفتي ويتلم اوعي تحملي أو تقولي لحد وربنا يهديه يمكن تكوني فاهمه الموضوع غلط مش اكتر اصل ١٦ يوم ايه الي يخون بعديهم انتي لسه عروسه».

اقرأ أيضًا..

ads