استغاثة جديدة.. والد سارة وسدرة يُناشد الرئيس لعلاجهم  من الضمور الشوكي

مناشدة جديدة تجتاح السوشيال ميديا، التوأم سارة وسدرة مصابتان بمرض ضمور العضلات الشوكي، لم يجد والديهما سوى السوشيال ميديا، بعد الله، لإيصال صوتهم وجمع تكلفة العلاج. 

حيث نشر والدهما عبر حسابه على موقع التواصل الاجتماعي فيسبوك قائلا: سارة وسدرة بناتي توأم مصابتان بمرض "ضمور العضلات الشوكي SMA".

شوفت بوست على الفيس بوك بتاع رشيد كان مصاب بنفس المرض عشان ياخد الحقنة بتاعة الضمور اللي سعرها ٢ مليون دولار والرئيس عمل مبادرة للحقنه مجاناً بس هى لحد ٦ شهور وأنا بناتى ٥ شهور.

وتابع: عملت التحليل الجيني وكل الفحوصات والمفروض إن في لجنة ولسه ما اتحددتش. 

وأضاف: أنا عارف إن دا اختبار من ربنا الحمد لله على كل حال كل طلبي إن البوست ده يوصل للرئيس أو لأى مسؤول عشان بناتى تاخد الحقنة ومفيش قدامى غير شهر بس أنا عايز البوست ده بس يلف كل السوشيال ميديا ولو حد يقدر يساعدني أو ليه أي معرفة.. ادعولهم من كل قلبكم في كل صلاة إن ربنا يعمل معجزة ويشفيهم وييسر الأمور وياخدوا الحقنه قبل ما يتموا الست شهور.