بدأت في الساعات الأولى من صباح اليوم محاكمة المتهم بقتل "نيرة أشرف"، التي تم ذبحها في وضح النهار أمام جامعة المنصورة. 

وفور دخول المتهم "محمد عادل"، قام بالإدلاء بالعديد من التصريحات والاعترافات الصادمة. 

كشف محمد في بداية المحكمة عن رغبته في الجلوس وكشف العديد من الأمور قائلا: عايز كرسي أقعد عليه وهقول كلام مهم هيغير مسار القضية، ومش عايز حد يصورني. 

وتابع حديثه: أنا أخدت اسكرينات للصور والمحادثات اللي بينا وبعتها لأهلها عشان أوريهم أن كل حاجة كانت بإرادتها وباباها قالي أنا ماليش دعوة بيها خلاص أنا رميت طوبتها.

وأضاف: كان نفسي أشرب سم وفكرت إني أنتقم منها بس مش بالشكل اللي أنا عملته وفكرت في الانتقام منها عشان أرد اعتباري وبس.

وتابع: حاولت أقرب منها قبل ما أفكر في الانتقام وهي رفضت خالص وسامحتها وماخدش الموضوع على كرامتي وأصالحها وقولتها أنا مسامح على اللي انت عملتيه فيا ونبدأ صفحة جديدة  وبعدها باباها كلمني وقالي عاوزين نقعد ونشوف حل للي بيحصل وطلب مني مساعدتي وقالي أنا وأنت اتضحك علينا ومامتها هي السبب في كل دا.

وأنهى حديثه قائلا: مفيش حاجة هتبرر اللي عملته لكن أهلها اللي مفروض يتسألوا عن كل اللي حصل.