«جوزك على ما تعوديه».. نساء الفيسبوك يتبادلن النصائح من المثل الشعبي القديم

طرحت إحدى النساء موضوع للنقاش على جروب للمتزوجات حديثاً على موقع التواصل الاجتماعي"فيس بوك"، وكتبت في منشورها: « عودتيه على ايه في بدايه حياتكم سوا ؟»، وهو نسبة المثل الشعبي القديم "جوزك على ما تعوديه".

وأثبتت تعليقات النساء صحة هذا المثل حيث أن كل امرأة عملت على وضع عادة معينة مع زوجها في بداية الزواج استمر في ممارستها طوال الوقت.

وكتبت إيمان في تعليق: « الاحترام وان الي ف بيتي ميطلعش بره لا مني ولا منه والحمد لله مشينا على كده».

بينما قالت أنغام: «ان مشاكلنا متتحكيش لحد الا لو لا قدر الله حاجة جامدة بقى ووصلنا فيها لحيطة سد ولازم حد حكيم يتدخل ! وحاجة كمان بوسة الجبين دى قبل النوم وهو نازل الشغل واول ما يرجع بالسلامة حاجات بسيطة بس بتفرق».

وعلقت دينا: «علي إني أمه وصاحبته وأخته قبل ما اكون حبيبته وخطيبته..عودته أنه يعمل اي حاجه في الدنيا ويجري عليا علمته أن مفيش حاجه اسمها ننام واحنا زعلانين من بعض ..كنت كل العالم بالنسباله وهو روحي والنفس ال بتنفسه عشان كده لما مات روحي راحت معاه وعايشه ميته ربنا يرحمك يا حبيبي ويجمعني بيك في الجنة ».

وقالت كوكي: «مفيش غلط وشتيمة حتى لو هزار انى لو تعبانة يكش يولع البيت وقف ما اخف ابقى اشوف اللى ورايا».

كما علقت رضوى: «يلم السفره بعد الاكل الحاجه الوحيده العدله اللى عملتها كان عندى عقده ف بيتنا أنا اللى بلمها».

وقالت إسراء: «عوديه على أن مشاكلكم ماتدخلوش فيها طرف تالت انتوا بس اللى تحلوها وان الزعل مايطولش بينكم علشان فجوة الزعل بتجيب جفا وقسوة، عوديه ع المودة والرحمة في التعامل وإن اى غلطة ممكن تتصلح و تكملوا مش تنهوا كل حاجة حلوة علشان غلطة ربنا يسعدك يا حبيبى».