لعشاء صحي ولذيذ.. طريقة عمل الشكشوكة بالسبانخ
فريدة سيف النصر: «كل ما اتنفس أو اتصور أبقى تريند!»
الإثنين 19/سبتمبر/2022 - 09:34 م
فريدة سيف النصر
بسمة خالد
عبّرت الفنانة فريدة سيف النصر، عن غضبها بسبب تصدرها التريند الأيام القليلة الماضية، وشاركت ذلك مع جمهورها عبر حسابها على موقع التواصل الاجتماعي "فيس بوك".
وكتبت فريدة سيف النصر منشورًا تقول فيه: "هو في ايه بجد.. ايه الخيبة اللي أنا فيها دي.. كل ما اتنفس ولا أتصور ولا أتكلم أبقى تريند وحديث المدينة.. ليه خير إن شاء الله.. محسيسني إني لسه صغنونة نوغة.. وإني مثلا نزلت صورة بلبس مثلا ملفت مش قاطعة لكم رأسي وبس".
وأضافت: "مالكم بجد... وجرايد ورقية محترمة ومواقع برضه كبيرة .. هو مفيش غيري.. في ناس أحلى وأصغر وأهم وعندهم اللي ترغوا فيه.. هتحرموني أكون ذوق وأدي أخبار أو أرد على صحفيين خالص".
وتابعت: "وللعلم مبحبش أصد حد أو التعالي بالذات الشباب الجديد، يكون جزائي عكس الكلام وأخد عناوين فرقعة علشان التريند.. الأمانة والمهنية أهم من مصطلحات السوشيال ميديا الجديدة دي.. عموما كده عيب لأي حد احترمته رغم صغر السن والحداثة في المهنة ورديت وحبيت أسانده.. والنتيجة علشان فرقعة تخسرني ماشي ألف شكر ومش هارد تاني مع اعتذاري للجميع".
فريدة سيف النصر تتصدر التريند
وكانت الفنانة فريدة سيف النصر قد تصدرت التريند، بسبب ظهورها بشكل صادم ومفاجئ على مواقع التواصل الاجتماعي بلون شعر مختلف وجريء.
وكتبت فريدة عن شكلها الجديد: "ربنا يستر ما تخافوش دي مرحلة سحب اللون الأسود، وقصيت شعري عند العالمي إبراهيم حسن، حبيت أوريكم وبعد ما أعمل اللون والصبغة الجديدة نيو لوك، وأعمل شعري هاوريكم، ما تعترضوش دلوقتي، مش ده اللون، غيرت أصلي زهقت مني، وعلى فكرة بدون ميك أب، إن كان عاجبكم، الستات لما بتكبر بتجنن، للي سألوني على الكوافير اسمه في كومنت اضغطوا، إبراهيم حسن تفتحوا صفحته".
وأضافت فريدة: "نعيما.. وقصيته خالص والتغيير فرحني.. نعم بقى قولولي ولو مش عاجبكم هي إزازة صبغه هباب هههههههه هاه. الكوافير الشاب النابغة إبراهيم حسن".
اقرأ أيضًا..
