أحمد حاتم يكشف سبب انفصاله عن زوجته
بنات يتساءلن: أعرف إزاي خطيبي بخيل ولا لأ؟.. شاهدي ردود السوشيال ميديا
الأربعاء 02/نوفمبر/2022 - 12:36 م
ساندي جرجس
كتبت العديد من الفتيات أسئلة حول اكتشاف الشخص الذي يتقدم لخطبتهن والزواج منهن، وهل هو بخيل أم لا؟ نظرا لأنها من أصعب الصفات التي تكرهها الفتيات.
وكانت بعض المنشورات كالآتي:
- « بنات ممكن تقولولي أعرف إزاي إنه بخيل ولا لا وشكرا جدا ليكم مقدما».
- « بنات محدش يطنش بالله عليكم أعرف إنه بخيل إزاي».
شوفي هيجيبلك إيه؟
وعلقت فاطمة: «اكيد فيه مواقف قدامك ظهرت إذا كان بخيل ولا لا يعني مثلا لو فتره الخطوبة لسة في أولها فاستني وشوفي هيجيب ولا لا لو فترة الخطوبة طولت يبقى كده بخيل بس ممكن تطلبي منه مرة حاجة شوفي هيجيبها ولا لا؟ نزلي على الواتس مثلا استوري سلسله خاتم عروسة واكتبي تحتها أي كلمة تدل على إنك نفسك حد بيحبك يجبهالك هدية وشوفي».
وقالت مريم: «بيبان جدا على فكرة البخيل بيكون بخيل ف كل حاجه مشاعره وكلامه بس ممكن لو خرجتي معاه مثلا رحتو مكان هيبان ف صرف فاهمه».
بينما كتبت إحدى الفتيات تتساءل في منشور: «لو سمحتم حد يجاوبني اعرف العريس المتقدم لي ازاي بخيل ولا سخي لان دي تاني مرة حد يجيلي من غير ميدخل في ايده حاجة حتي من باب الذوق بابا قالي ده عشان تعارف والحوار مش رسمي لسه هل كلام بابا صحيح؟ وقولولي اعرف ازاي انه بخيل عشان لو اتخطبتله؟؟».
اقرأ
أيضًا..
نتن مش بخيل
وعلقت حبيبة: «دا نتن مش بخيل بس دا بذات لازم وهو جاي يتقدم يجيب جاتوه او شوكلاته داا لازم لازم يعني».
وقالت داليا: «حتي لو مش بخيل ماديا هو بخيل ذوق الواحد لما بيدخل زيارة عند حد لازم يدخل بايده حاجة حتي لو بسيطة الذوق بيقول كدا».
