قصة «هوت شورت» فدوى مواهب تشعل السوشيال ميديا (فيديو)
زوجة تشكو قلة نظافة زوجها على فيس بوك: «مبيستحماش وبقرف يلمسني»
الثلاثاء 08/نوفمبر/2022 - 08:37 م
ساندي جرجس
كتبت امرأة متزوجة مشكلتها على موقع التواصل الاجتماعي "فيس بوك" تشكو من زوجها الذي وصفته ب"قليل النظافة" وتطلب من الأخريات نصيحة والتي كانت أبرزها "الطلاق".
وقالت الزوجة في منشورها: «بنات انا عندى مشكله مع جوزى بس ياريت التعليقات تكون من غير تجريح أو غلط، انا جوزى قليل النظافه جدا يعنى ممكن يستحمى كل اربع أو خمس ايام ولازم انا اللى أقوله استحمى غير كدا مش بيستحمى حتى لما بيحصل بينا حاجه مش بيستحمى بعدها لازم بردو انا اللى أقوله، وتعبت معاه جدا والمفروض أنه عارف ان هو كدا على الجنابه ودا حرام بس بردو مفيش فايده هو قدام الناس لبس كويس وبرفان وبتاع لكن جوا البيت مش بيغير الغيار الداخلى الا كل فين وفين ولما بقوله يستحمى بيدخل تحت الدش ٣ دقايق بالضبط ويخرج من غير ما يحط على جسمه نقطه شاور ولا بيغسل شعره قال ايه عشان شعره هيبوظ من الميه بقالى سنه متجوزه وحرفيا بنهار منه لدرجه انى كلمت مامته وقولتلها قالتلى ازاى يعنى دا بيستعبط وانا هتكلم معاه وبتاع ومفيش اى حاجه اتغيرت لدرجه انى يأست منه وبطلت اصلا أقوله يستحمى وهو طبعا ولا فى دماغه يا دوب بيدخل الحمام يشطف بشويه ميه ويحط اسبراى ويخرج بس كدا وانا بستحمى قدامه كل يوم وكل شويه اقول يمكن يحس على دمه ويقوم هو كمان يقعد يقولى هتبوشى من كتر الميه ولا بيتأثر مثلا أنه لازم يبقى على طول نظيف زيي ولا اى حاجه وانا والله تعبت وبقرف يلمسنى اعمل ايه !!!!!!؟».
وكانت التعليقات كالآتي:
قالت سارة: «من قلب الحدث بقولك متتعبيش نفسك النوع دا مفيش فايده معاه مهما عملتي بقالي ٣ سنين لحد ما زهقت وقرفت وياريتهم مش نضاف ف نفسهم بس لا وكمان ف بيتهم ويرمو هدوم ف كل حته وزباله واكل يقع ع الارض ميفكرش يشيله مطرحه ودولاب مهما ارتب لازم يبوظ ف دقيقه وحاجه اخر قرف يعني».
وعلقت نيهال: «الى زى ده مالوش حل بجد الا الطلاق».
وقالت أية: «على فكرة خوفيه قوليله ممكن جن يلبسك وانت بتمشي على جنابة كدا اعرف واحده كانت عروسة ومش بتستحمى من الجنابة والجن اللى عليها قال انا لبستها عشان كدا وكمان كل خطوة بنمشيها وهو كده الملائكة بتلعنه ربنا يهديه والله يكون ف عونك اى القرف دا».
بينما علقت سلمى: «ييقي خدي موقف وبلاش يلمسك من غير ما يستحمى اجرحيه بالكلام طالما الادب مش نافع».
كما قالت مها: «قوليله قبل م تلمسني تستحمي عشان الميكروبات يا ما متلمسنيش حطيله غيار و قوليله استحمي مش قادره انام من ريحه العرق لازم تاخدي موقف».
وكان تعليق منار: «ازاي هو ميعرفش ان حرام ميتطهرش منها طب ازاي مبيصليش ؟؟ مبيصليش وعادي بالنسباله كدا الصلاه طب هيفرق معاه النظافة ازاي دا الصلاة مفرقتش ولا اتأثر عشانها هو في ناس كدا النتانه بتجري ف دمهم عادي بقي اتأقلمي ربنا يعينك انتي عملتي اللي عليكي وخلاص».
