«بأعمال الهاند ميد» آلاء أسامة تستعد لاستقبال شهر رمضان

استعدت آلاء أسامة الموهوبة في فن الأعمال اليدوية، لاستقبال شهر رمضان الكريم، عن طريق تصميم فوانيس رمضان المميزة ونشر صورها على جروب "successful woman" على موقع التواصل الاجتماعي "فيس بوك".

وكتبت آلاء في منشورها على الجروب الخاص بالنساء الناجحات صاحبات المشاريع وغيرهن من الموهوبات: «ازيكم يا اجمل جروب بما ان اجمل شهر في السنه بنستناه شهر رمضان الكريم قرب وخلاص على الابواب حبيت افرجكم على شغلي للفوانيس والكبايات».

وأضافت: «الصور كتير بس فعلا بحبهم كلهم ومكنش ينفع منزلش اي حاجه فيهم الفكره ان اللي كان بيطلب اوردر كان بيقولي على طقم ابنه او بنته بيحبوه بنعمل بقى العروسه بنفس اللبس والشعر بنحاول نقرب الشخصيه بجد من اجمل الاوردرات اللي ببقى يشتغلها وانا مبسوطه اتمنى تعجبكم».

كما نشرت صور لتصميماتها من الفوانيس مكتوب عليها أسماء أصحابها باستخدام ألوان وديكورات رائعة، وحصلت على اعجاب الكثير من المتابعات على الجروب، فهي فكرة مميزة ومبتكرة لاستقبال شهر رمضان.