رئيس مجلس الأدارة
خالد جودة
رئيس التحرير
هند أبو ضيف
هير نيوز هير نيوز
رئيس مجلس الأدارة
خالد جودة
رئيس التحرير
هند أبو ضيف

اتقوا الله فينا كفاية.. أمينة تخرج عن صمتها وتهاجم منتقدي النجوم

اتقوا الله فينا كفاية.. أمينة تخرج عن صمتها وتهاجم منتقدي النجوم

الفنانة أمينة
الفنانة أمينة

هاجمت المغنية الشعبية أمينة أصحاب عدد من التعليقات الذين انتقدوها ووجهوا لها ولعدد من النجوم بعض الاتهامات في تعليقاتهم على فيديوهات عزاء المطرب الشعبي الراحل أحمد عامر.

 

وأشارت أمينة إلى أنها ولأول مرة تخرج عن صمتها وترد على انتقاد أو هجوم تعرضت له ونشرت عدد من هذه التعليقات عبر صفحتها الشخصية على «إنستجرام».

 

وعلقت قائلة: "جمعة مباركة عليكم إخواتي وحبايبي وأصحابي.. معلش استفزني كومنتات لاقيتها على الفيديوهات بتاعة عزاء أحمد عامر الله يرحمه ويحسن إليه والناس معذورة برضه العناوين المكتوبة على الفيديوهات لا تمت للواقع بصلة".

 

 

وأضافت: "رحت عزيت نقابة المهن الموسيقية كل ده تمام.. يطلع واحد وغيره كتير مش فاهمين أي حاجة بيهبدوا وخلاص.. خلاص مش لاقيين حاجة تتهمونا بيها.. تتهمونا إن إحنا بنشرب" معلقة: "أنا هتكلم عن نفسي أنا واحدة من الناس اللي ماقدرش أشرب ماية ساقعة ولا دخان من أي نوع وحسبنا الله ونعم الوكيل في اللي يقول ما ليس فينا".

 

 

وتابعت قائلة: "اللي يشرب يشرب هو حر طالما مش بيأذيني أنت كده اتهمت واحد متوفي وغيره فنانين كتير ملهمش في أي حاجة.. اتقي الله".

 

 

واستكملت حديثها قائلة: "واللي كاتب إني ما وقفتش في عزاء أخويا.. منك لله يا أخي .. الحمد لله صلتي بكل قرايبي زي الفل ما بالك أخويا".

 

 

وأكدت أمينة على أنها ليست لها خصومة مع أي شخص قائلة: "مش عايزة أشتمك عشان ما تستاهلش الحمد لله لا عمري طلعت من توبي ولا عشت الدور ولا ليا مع حد خصومة وغصب عني كتبت كده لأول مرة".

 

 

وتابعت هجومها على أصحاب هذه التعليقات قائلة: "الناس بقت مستفزة جدًا وقليلة أدب إلا من رحم ربي".

 

 

وأضافت: "انتوا لا تعرفونا ولا تعرفوا إحنا فينا إيه وبنعاني من إيه.. حسدتونا وعينيكم جابتنا الأرض.. قاعدين تحسبوهالنا.. وأراهن أي حد فيكم عنده موهبة كصوت أو كممثل ومايستغلهاش مش ذنبنا إن إحنا فنانين بالفطرة والموهبة".

 

 

واختتمت حديثها قائلة: "أنت قاعد تحسبهالنا.. أنت ماتعرفش بندفع إيه قدام ده منكم لله بجد معظم الناس حاطة الفنانين دول في فريم إن إحنا تماثيل شمع مش بنحس ولا عندنا دم، اتقوا الله فينا كفاية أنتوا ماتعرفوش إحنا فينا إيه.. اتقوا الله".

 

 

آخر أعمال للفنانة أمينة:

 

يذكر أن الفنانة أمينة كانت قد طرحت مؤخرًا أغنية "ميشغلوناش"، كما روجت لأحدث أعمالها أغنية "أسد يا ماما أسد".

تم نسخ الرابط