أحمد العوضي يكشف مفاجأة عن <علي كلاي> رمضان 2026
أعلن الممثل أحمد العوضي رسميًا عن مشاركته في موسم دراما رمضان 2026 من خلال مسلسل جديد يحمل عنوان “علي كلاي”، وذلك في تعاون متجدد مع الكاتب محمود حمدان والمخرج محمد عبد السلام، ومن إنتاج شركة سينرجي برئاسة المنتج تامر مرسي.
تفاصيل مسلسل “علي كلاي” بطولة أحمد العوضي
خلال بث مباشر على صفحته الرسمية على فيسبوك، كشف أحمد العوضي عن ملامح الشخصية التي سيجسدها في مسلسل علي كلاي، مؤكدًا أنها ستكون قريبة من الناس وتمثل مزيجًا من الشهامة والجدعنة، وهي صفات لطالما التصقت به في أدواره السابقة، لكن هذه المرة بأسلوب مختلف تمامًا.
فيما قال العوضي عن بطل العمل: "البطل هيطلع جدع وابن حلال وهيضرب الكل. ليه اسمه بطل؟ عشان يطلع راجل وجدع والناس تقلده وتبقى زيه. وأكد حرصه على تقديم شخصية إيجابية تُحتذى بها، مضيفًا: "أنا عايز أخوك الصغير وابنك يبقوا زيه. مش ده دوري؟! هطلعه وحش؟ أنا مش بطلع وحش، أنا بطلع كويس.”
بينما أشار أحمد العوضي إلى أن مسلسل “علي كلاي” مختلف تمامًا عن أعماله السابقة مثل “فهد البطل” و”حق عرب”، من حيث القصة والتقديم والمفاجآت التي ستتخلل العمل، واختتم حديثه بحماس قائلاً: "القهاوي هتتقفل، والناس هتقعد في البيت تتفرج، إن شاء الله. القصة جامدة بجد، ووعد مني بحاجة قوية.”
كواليس تعاون ميرنا نور الدين مع أحمد العوضي
تحدثت الممثلة ميرنا نور الدين عن كواليس مسلسل "فهد البطل" والمشاهد التي تعرّضت فيها للضرب من أحمد العوضي، مؤكدة أن الضرب كان حقيقيًا.
وخلال لقائها في برنامج "راديو بيضحك" الذي تقدمه الإعلامية فاطمة مصطفى على إذاعة "راديو 9090"، قالت: "في ناس فاكرة إن أحمد العوضي ما بيضربش بجد في المشاهد، وأنا قلت له هقول للناس إنك بتضربنا كلنا. هو فعلاً بيضرب، بس طبعًا عنده تكنيك وبيعرف يضرب، بس أنا من الناس اللي اتأذيت غصب عنه، لأنه كان لابس خاتم، وده خبط في وشي، وإيده لما بيمسك إيدي بتوجعني أكتر من لما يضربني بالقلم."
كما تابعت ميرنا نور الدين: "مش دي أول مرة أشتغل فيها مع أحمد العوضي، لكن دي أول مرة يكون في بينا مساحة كبيرة. هو من الناس اللي ما بيركزوش على نفسهم، بيركز علينا كلنا. هو عايزنا كلنا ننجح مش بس هو، علشان كده دايمًا بنقعد نناقش المشاهد مع بعض. لو في حاجة معينة، إحنا أصدقاء، أنا وهو وكارولين عزمي وعصام السقا. وكان بيهزر معايا لو قلت جملة بطريقة معينة، ويقول لي: ‘دي مش من شق التعبان، عدّلي لسانك’، زي كلمة ‘والله’. في بداية التصوير كنت بقولها بطريقتي العادية، مش بطريقة شخصية "كناريا". هو كان بيساعدني جدًا، والكيمياء بينا كانت حلوة."
