كيف أخلص نفسي من تأنيب الضمير؟
نشر رجل متزوج مشكلته مع شقيقه عبر منصات التواصل الاجتماعي، وطلب من رواد تلك المنصات الحل، وفي السطور التالية تكشف «هير نيوز» تفاصيل مشكلة الرجل مع شقيقه.
وقال الرجل في شكواه: "السلام عليكم،،كيف أخلص نفسي من تأنيب الضمير؟عاني من تأنيب ضمير شديد ارجوكم تساعدوني وتتفهمون الي حصل مني عندي اخ اصغر مني طيب وحنون ومثقف لكن اذا غضب يكون مثل الي يتم محاصرته في زاويه والكوكب كله ضده وكأنهم راح يقتلونه وانا متفهم هذا كله عشان طفولته كانت صعبه ما اخذ اهتمام وكان يتنازل كثير وهو صغير بينما ناخذ احنا كل شي وهو يناظر لنا بفرح لكن اعرف من داخله انه يتمنى مثلنا".
وأضاف: "انا كنت احرش عليه كثير واتصيد زلاته واتسبب له بمشاكل كثير وابوي سريع الغضب وعصبي واذا حطك في راسه ما يخليك لحد ما يؤذيك وكان يعاني منه بسببي انا اكتب الحين وانا محروق قلبي بعد ما كبرت الحين وصرت ابو وعندي اولاد وحياتي ماشيه لكن هو تعثر بكل شي بحياته مع انه طموح وكان اذكى فرد بالعايله لكن الحين اشوفه حتى شكله رغم انه عزيز نفسه ومظهره ثابت لكن بدون عمل ولم يتزوج ومرض سرطان لوحده وكنا كلنا محاربينه انا وامي و كنا نحرش عليه كثير ابوي كنت اصدق امي احسبه كذاب لكن هو كان جد مريض وعاش لوحده وانطرد من البيت وكنت احسب اني اعمل صح عشان امي تبي كذا وكانت امي تعوضني وتكسبني عن طريق انها تعطيني وتسوي لي كل شي احبه لكن هو لا احيانا احس انها تكرهه لانها كانت تسوي له اشياء وهو ما يدري توجعه وانا ادري فيها واحيانا كنت اساعدها".
وتابع: "انا ندمان مره الي يوجعني اني لما كنت امر باوقات صعبه كان هو الي يدعمني ويوقف معاي ما يخليني لحد انه يمكن تنقلب المشكله من مشكلتي لمشكلته وحتى امي رغم انها طردته وفضحته وسمعته صارت حيل مو نظيفه واغلب الكلام كان مو صحيح لكن الناس تصدق لانها امه وهو ما يدري والناس يبعدون عنه وهو ما يدري ليه هذا يصير اذكر مره كنت اسمعه يكلم نفسه وهو كانه يبكي يقول طيب انا اكرمت فلان ما قصرت معاه ليه يسوي بي كذا ليه \ الحين انا ندمان واحاول اتقرب منه لكن هو ما يثق باحد ويشك كثير ويخاف اذا احد يكلمه بطريقه حلوه واذا احد يساله عن شي خاص فيه يتحول لعنيف ويحاول يفهم ليه يسال وانا اعرف السبب لانه كانت كذا تتم اذيته".
وواصل: "انا نادم واشوفه وهو متدمر الحين و ودي اعوضه بس ما يسمح لي اقرب منه وحاولت امنع امي تتدخل بحياته لكن الله يهديها هي كثيره الحلف واذا اخوي شك انها تسوي معه شي لانه كثير يكتشفها وهي تسوي له حاجات توجعه صار ما يثق ويخاف منها لكن بس تتعب او شي كان هو الوحيد الي يسوي كل شي عشانها لكن يخاف منها انا الحين ماعرف كيف اخليه يثق فيني واقرب منه والله نادم من قلبي واحس بحرقه ارجوكم ساعدوني".
وجاءت الردود عليه كالتالي..
حسبي الله ونعم الوكيل فيكم دمرتوا الولد ودمرتوا نفسيته وضيعتوا مستقبله ووصلتوه للسرطان تحسبونه عندالله هين وعندالله تلتقي الخصوم كل موقف وكل ضرر تسببت له فيه انت وأمك بتعيشونه يوم القصاص بحذافيره انت وأمك مرضى نرجسيين اذا تبي تصلح شيء تافه من عمايلك السودا اللي عمرها ماتترقع طلعه من بيت ابوك وابعده عن امك المريضه استأجر له شقه يعيش فيها بكرامته واقطع تواصله بأمك وأمنعها تتواصل معاه وأسعى له في الوظيفه والزواج ومشي له راتب لين يتوظف هذا اذا كنت صادق في ندمك وتكلم عند الناس انكم ظلمتوه وشوهتوا سمعته وهو بريء وأطلب منه يسامحك وأعتذر منه عن كل شيء اذا مشيت ورا أمك ونفذت كلامها تراها بتوردك جهنم
الام نرجسية،وانت الابن المفضل واخوك الشاة السوداء في العائلة. يجب أن تثبت لاخوك انك نادم وتساعده فعليا وامك تحطها حانبا ولا تسمع كلامها لانها اس المشكلة
مع الأسف لن يثق فيك اخيك بهذه السهولة فالعيب ليس عليك انت فقط بل على والدتك لأن الوالدين هم من لهم الأحقية فى تربية أبناءهم من حيث أيضا احترام كل منكما الآخر غير ذلك هم من لهم الأحق بالتربية لكن والدتك سمحت لك بالتدخل في تربية اخيك وهذا اسوء شئ فعلته لذلك انت وصلت معه إلى هذه النقطة الآن فسيكون من الصعب الوثوق بك الآن وهو تربى عمره على قسوتك وعدم حبك له اذا ماعليك الا الصبر والاستمرار فى أن يسامحك ويشعر بتغيرك اتجاهه وعسي أن يحبك اولا المهم هذه هى نتيجة افعالكم ويجب أن تتقبلها
انصحك بما انك نادم على مافعلته له واتضح لك صدق أفعاله وعلمك بأنه شخص جيد وغير ذلك هو مريض إذا أنت حاول أن تبدأ فى أن تتحدث معه بكل ماذكرت لنا الآن انك نادم وشعرت به وكنت تظن به السوء وتحزن أيضا لمعاملة والدتك له ويفضل أن يكون أمامها حتى تتراجع وأخبره انك ستكون داعم له وستتغير حتى وإن رفض لكن كلامك معه سيكون له أثر عليه لذلك انصحك أن تتحدث أمامه وتحدث والدتك أيضا لترحمه وإذا استطعت كن معه فى هذه الأوقات حتى يتعافى افعل له مايحب فاجئه بهدية يكون لها أثر أيضا.