الخميس 28 مارس 2024 الموافق 18 رمضان 1445
رئيس مجلس الإدارة
خالد جودة
ads
رئيس مجلس الاداره
خالد جوده

سألنا البنات بتعملوا إيه قبل 10 أيام من فرحكم؟.. الإجابات صادمة

الجمعة 05/مارس/2021 - 12:19 ص
هير نيوز

تمر الأيام التي تسبق حفل الزفاف بصُعوبة كبيرة على العروس، حيث تنتابها حيرة كبيرة، وتفكر كثيرًا في ليلة العمر أو كما يُطلق عليها «ليلة الدُخلة»، كما تُفكر في كيفية الاعتناء ببشرتها وجسمها قبل الزفاف، وبعض الفتيات لا يعرفن فيما يفكرن في هذه الأيام، وأخريات عقولهن تبدو مشوشة، ما دفع« ميريهان زاهر»، الفتاة التي تبلغ من العمر 23 عامًا، في سؤال الفتيات على إحدى جروبات البنات، والتي يتابعها نحو 400 ألف فتاة مشتركة.

« بتعملوا إيه قبل 10 أيام من فرحكم؟»، كان هو سؤال "ميريهان"، على الجروب، لتنهال عليها التعليقات التي وصلت لنحو 4 آلاف تعليقًا خلال ساعات قليلة، وردت فتاة تُدعي«أسمى علي»، قائلة: «الأيام دي بتبقى صعبة جدًا، كل حاجة فيها مشوشة وبتعملي كل شيء بدون تركيز، أنا حاسة بيكِ لأن جربت نفس الشعور، لكن أنصحك تفكري بس في ليلة عمرك، يوم الدُخلة، سيبك من أي ترتيب تاني «فكري في ليلة الدُخلة».

بينما "روان أحمد"، قائلة: « أنصحك استرخي وخلي اللي حواليكِ أنتِ يظبط جهازك، بلاش تفكري في الجهاز وترتيب الشقة وغيره، آخر 10 أيام دول لازم يكون فيهم هدوء، أنتِ داخلة على حياة جديدة وبداية جديدة مع شخص ممكن يكون غريب، فكري إزاي تسعدي نفسك وتطبعي حياتك، وأوعي تخافي لأن التوتر والخوف بيخليكِ مرتبكة».

وأجابت "هويدا علاء"، قائلة: «مفروض تكوني رتبتي خلاص حاجتك كلها ودماغك فاضية بقة وتكوني جهزتي كل حاجة، تفكري بس هتتعاملي إزاي مع أول دخله ليكِ أنتِ وعريسك في شقتك، اللحظة دي بتبقى مرعبة جدًا خاصة لو أنتم مش واخدين على بعض أوي، أنا فضلت أفكر في ليلة الدُخلة واللي هيحصل فيها».

وأوضحت "بتول محمود"، قائلة: «كنت لآخر لحظة لسة بفكر في حاجتي اللي مرحتش الشقة، وبعدين روحت عملت "بروفة" فستان و"ميك آب"، وبعد كدة بقيت أحب في خطيبي اللي كان جوزي لأننا كتبنا الكتاب، وهو اللي كان بيطمني في الأيام الأخيرة قبل الجواز، كان بيهديني ويطمني».

ads