ضبط المتهم بالتعدي علس شخص من ئوي الاحتياجات الخاصة بالدقهلية
«حضن جوزك ولا مليون دولار؟».. سيدات: «الفلوس طبعًا»
الإثنين 15/مارس/2021 - 06:59 م
عزة ذكي
تظل «جروبات الستات» مكانًا لـ«الفضفضة» بينهن بعيدًا عن الإطار الأسري، فلم يعد دورها قاصرًا على السؤال عن أشياء أو الاستشارات، إنما تخطى ذلك بكثير ووصل إلى حد التحدث عن العلاقات الأسرية داخلها، وطرح النقاشات حول المشاكل التي تواجه المرأة.
-«جروبات الستات»
كما أصبحت «جروبات الستات» ملاذًا لبعضهن ممن يتعرضن لعنف أو يرين بمشاكل، كما إنها تشهد مواقف طريفة أيضًا من واقع البيوت المصرية.
وفي إحدى الجروبات الشهرية لهن، طرحت سيدة سؤالًا: «تفضلي إيه.. حضن جوزك أحسن؟.. ولا مليون دولار؟ وبصراحة ونستقبل أول مخلصة»، لتتفاجئ بردود الأفعال من السيدات الصادمة.
وعلق حسام يحمل اسم أم سيف قائلة: «اشمعنا أنا حضن جوزي بالدنيا»، بينما علقت دينا مجاهد ساخرة: «ياستي هو كدا كدا هيحضن ملناش نفس نبقي أصحاب أملاك».
-تعليقات ساخرة
وعلقت آية عبد العزيز: « والله ولا يساوى ملايين الدنيا ربنا يباركلى فيه»، بينما علقت فاطمة عبد الحليم قائلة: «ياجماعه هو اللى خلقه مخلقش غيره؟.. هختار الفلوس طبعًا».
وعلقت زوجة قائلة: «حضنه طبعًا، هي الفلوس هتشتري ليا الحنيه وقت تعبي ول وقت احتياجي لحد جنبي؟»، وردت هند علي قائلة،« انتى لو سألتي جوزك شخصيًا هيقولك المليون دولار»، وقالت ليلى علي،« يختي ما هو لم يبقى معاه مليون دولار هو اللي هيترمي في حضنها».
وتوالت تعليقات السيدات على جروب الستات، فعلقت ياسمين اللواتي قائلة: «المليون دولار طبعا لما يبقوا يخلصوا هيبقي حضن جوزي بقي»، بينما قالت إسراء محمد: «حضن جوزي عندي بلدنيا لو أطول مخرجوش من حضني كنت عملتها»، لترد عليها زهرة الخريف قائلة: « شربتي معاه حشيش ولا لسه يا فوزيه؟».
لم تخلو تعليقات السيدات من السخرية، حيث قالت نورا محمد،« زاي السؤال ده انتي بتهزري ؟ المليون دولار طبعا؟»، لترد ياسمين محمود،« جوزى طبعا مش عشانى انا لا عشان ابنى يعيش العمر كله مسنود ع ابوه»، لتبادلها مها بدر الدين برد،« لو خدتي المليون دولار ابنك بقي مسنود طول عمره وانتي وابوه مسنودين معاه».
اقرأ المزيد: كيف
تجددي علاقتكِ بزوجكِ وتقتلي الملل
