الجمعة 29 مارس 2024 الموافق 19 رمضان 1445
رئيس مجلس الإدارة
خالد جودة
ads
رئيس مجلس الاداره
خالد جوده

بعد إعادته لأحضانها ..ننشر نص أقوال والدة الطفل المخطوف بمستشفى أبو الريش

الخميس 20/مايو/2021 - 11:41 م
هير نيوز


كشفت تحقيقات نيابة السيدة زينب الجزئية في واقعة انتحال ربة منزل شخصية طبيبة واختطافها طفلا رضيعا من إحدى السيدات داخل مستشفى أبو الريش عن طريقة خطف ابنها منها.

قالت المجني عليها -والدة الطفل- : "اللي حصل أن ابني كان تعبانا، ورحت كشفت عليه عند دكتور عندنا في البلد في شبرامنت، دكتور اسمه عمرو في عيادة خاصة قالي لازم تروحي المستشفى علشان ابنك يعمل جلسة أوكسجين، فذهبت بابني محمد، إلى مستشفى أبو الريش للأطفال في المنيرة، وأخذت رقما علشان أدخل أكشف عليه وكان رقمي 218".

وأضافت والدة الطفل خلال التحقيقات: " وأنا قاعدة مستنية دوري لقيت واحدة لابسة بالطو أبيض وكمامة ومحجبة، جايه بتقولي أنتي واقفة كده ليه، قولتلها أنا ابنى عنده نزلة شعبية حادة، وأنا مستنية دوري علشان أكشف عليه ويعمل جلسة أوكسجين، فقالتلي تعالي أدخلي معايا أنا دكتورة شغالة هنا في المستشفى وهخليكي تكشفي دلوقتي علشان ابنك عيان، وأحنا داخلين المستشفى علشان كنا واقفين بره، لما أخدنا الدور الأمن اللي واقف على المستشفى اللي اسمه جابر محمد، قالي إنتي رايحة فين، قالتله أنا داخله مع الدكتورة فلما بص عليها وشافها وهي كانت لابسة بالطو أبيض قالنا أتفضلوا، لأنه كان فاكرها دكتورة".

اقرأ أيضاً: زوجها شريك فى الجريمة.. اعترفات مثيرة لـ خاطفة طفل أبو الريش


وتابعت "دخلنا وطلعت بيا الدور الأول اللي بعد الأرضي وبعد كده دخلت أوضة وطلعت منها وقالتلي مفيش دكاترة هنا، واستني أنا هنزل أشوف لك حد تحت وهطلعلك تاني، وبعد لما طلعت قالتلي هاتي الطفل أنا اتفقت مع الدكاترة أنهم يحطوه على الجهاز دلوقتي، وروحي صوري البطاقة بتاعتك وشهادة ميلاد الطفل قولتلها ماشي وأدتها الطفل ومشيت، وطلعت بره المستشفي علشان أصور البطاقة، ولما رجعت قعدت أدور عليها في كل المستشفى ولا لقيتها ولا لقيت ابني".

ads