بالصور .. تفاصيل حفل زفاف الفنانة ريم سامي وأبرز الحضور
نشوى: «اللي مايكونش في ضهر بلده مايستحقش يعيش»
الخميس 03/يونيو/2021 - 10:21 م
الفنانة نشوى
وجهت الفنانة نشوى، رسالة إلى الفنانين عبر حسابها على موقع التواصل الاجتماعي "فيسبوك".
«اللي مايكونش في ضهر بلده مايستحقش يعيش»
وقالت في منشورها: "إحنا في حالة حرب.. واللي مايكونش فى ضهر بلده يبقى مايستحقش يعيش على ترابها واللى مش شايف إننا بنتجر علشان ندخل حرب يبقى يركز ويشوف أوعو يخيل عليكم أن فلان بيتودد وعلان عايز يتصالح وترتان بيعزمنا على الغدا بيكيدوا لبلدى واضحة زي الشمس وبيطلقوا كلابهم علينا عند المنبع".
اقرأ أيضًا..
وتابعت: "سلاحنا ضد كل الأعادي إننا نبقى ايد واحدة وإننا نبقى فى ضهر رمز مصر رئيسنا اللي بيجاهد يحافظ على بلدنا اللي كانت بتتباع من سينا لحلايب وشلاتين بلدنا اللي معرفوش يقسموها قبلى وبحرى مسيحيين ومسلمين لو سيادته معملش حاجة غير أنه خلانا مستورين جوه وطن عايشين فى قلبه مش على حدوده يبقى الحمد لله صحيح كل ده كان بتمن غالي".
واختتمت: "اوعوا تفتكروا أن التمن الغالي هو سعر البنزين ولا الكهرباء ولا سعر البامية والملوخية - التمن الغالى هو دم عيالنا رجالتنا اللي استشهدوا على إيد الأنجاس علشان بناتنا يتصان عرضهم جوه وطن ليه بقول الكلام ده دلوقتى ؟؟ علشان اللي حصل النهارده مكنش يصح يحصل بلدنا كبيرة أوى أوى المفروض إننا ندعم ونسند ده احنا القوى الناعمة احنا اللي بنفضح خططهم مينفعش نكون خطوة بتدعمهم تحيا مصر ببركة الأولياء المدفونين فيها والانبيا اللي مشيو على أراضيها".
