أسعار تكييفات 2.25 حصان بكافة أنواعه في الأسواق المصرية
نهال عنبر: الطاووس رسالة لكل أم «مستهترة»
السبت 05/يونيو/2021 - 12:37 م
نهال عنبر
قالت الفنانة نهال عنبر، إن عملها بنقابة الممثلين يسعدها كثيرا، وأنها عندما تشارك فى إسعاد شخص تشعر هى نفسها بالسعادة مضيفة: أنا بطبعى خدومة وبكون سعيدة جدًا بمشاركتي فى الأعمال الخدمية.
وعن دورها فى مسلسل الطاووس الذى عرض فى رمضان الماضى قالت نهال عنبر لـ"هير نيوز": عندما عُرض عليَّ الورق صممت على تقديم الشخصية حتى أوصل رسالة للامهات المستهترة الموجودة للاسف فى مجتمعنا والتي لا يشغلها فقط غير تدليل ابنائها دون تربية فهى تعطيهم الاموال فقط فأردت توضيح كيف ستكون النهاية.
أما عن قضية الاغتصاب التى ناقشها العمل أوضحت: كان لازم نقول لكل بنت تتعرض للاغتصاب او التحرش متسكتيش أبدًا لازم تطالبي بحقك ومتخافيش عشان نردع كل واحد بيشارك فى القذارة ديه ويعرف إن مافيش واحدة هنسكت على حقها بعد كده.
وعن تجربتها فى تقديم البرامج قالت نهال عنبر: أنا بحب الإعلام جدا وهو مهم جدا بالنسبة لى زيه زى التمثيل تقديم البرامج بيخلى الإنسان أكثر قراءة واطلاع لأن قبل ما كنت بحضر للحلقة كان لازم أقرى كتير وأدور وأبحث عن كل حاجة اتقالت أو اتكتبت فى الموضوع اللى هتناقش فيه وكمان كنت بحاول أجل عدد من المشاكل اللى كانت بتحصل بين الشباب اللى لسه فى مقابل حياتهم الزوجية لما كًانوا بيستشيرونك ويبعتولى مشاكلهم عبر الايميل وكنت بقراها كلها وأحاول أشارك معهم فى حلها؛ فالتجربة كلها بالنية لى من أهم التجارب وامتعها".
