منوعات

تعليق ناري من نهاد أبو القمصان على واقعة قائمة المنقولات

السبت 05/يونيو/2021 - 09:08 م

علّقت نهاد أبو القمصان المحامية بالنقض، رئيس المركز المصري لحقوق المرأة علي واقعة تداول نشطاء على مواقع التواصل صورة لقائمة منقولات العروس كتب عليها: «من يؤتمن على العرض لا يُسأل عن المال. اتق الله في كريمتنا».

تعليق نهاد أبو القمصان على واقعة القائمة

وأكدت أن عدم وجود قائمة قانونا يُسمى سرقة أو استيلاء على مهر الزوجة والجهاز الذي دفعته من مال أبيها، وفقهيا؛ يفسد عقد الجواز والقرآن الكريم حذر من سرقة المهر في قوله تعالى ( وَإِنْ أَرَدْتُمُ اسْتِبْدَالَ زَوْجٍ مَكَانَ زَوْجٍ وَآتَيْتُمْ إِحْدَاهُنَّ قِنْطَارًا فَلَا تَأْخُذُوا مِنْهُ شَيْئًا ﴿٢٠ النساء﴾ ) يَاأَيُّهَا الَّذِينَ آمَنُوا لَا يَحِلُّ لَكُمْ أَنْ تَرِثُوا النِّسَاءَ كَرْهًاوَلَا تَعْضُلُوهُنَّ لِتَذْهَبُوا بِبَعْضِ مَا آتَيْتُمُوهُنَّ ).

وعبر صفحتها علي "فيسبوك"، قالت : "يا تكتبو القائمة الزوجية؛ يا تغيرو القانون ويبقى الممتلكات الزوجية بالنص، غير كدا يبقى تحريض على سرقة الستات.. في ناس معترضة على قائمة المنقولات وعايزة تلغيه.. انتو عارفين إن القائمة أصلها المهر اللى المفروض شرعًا العريس يدفعه وما بقاش يدفع والجزء اللى بتضيفة العروسة لأن أهل العروسة فوق البيعة بيشاركو في الجهاز؟.

وتابعت: "يعنى عايزين تلغو المهر؟، ماشي، البديل الشرعى إيه؟، عايزين تلغو القائمة اللي جزء منها المهر ونبقى شركاء ونجهز سوا عند الجواز ماشي نتفق نبقى شركاء عند الطلاق والممتلكات الزوجية تتقسم بالنص".

وأضافت: "بعض الناس مش عايزة تعترف بالقائمة.. اللي هي أصلاً نصها المهر اللي العروسة ما قبضتوش ومش عايزة تعترف بالشراكة اللي يترتب عليها حقوق مساواة في تصفية الجواز".

وأوضحت أنه: في قانون الأحوال الشخصية الحالي والمسودة اللي قدمتها الحكومة كمان أعتبر المهر أساس للجواز ومن حق الولي فسخ الجواز إذا لم يقبض المهر ودا استنادًا إلى مذهب الإمام أبي حنيفة.

وقالت :"اللي شايفين القائمة خراب ووحشة.. انتو مستوعبين إن انتو بتنادوا بسرقة الستات والاستيلاء على حقوقهم ..وانتو كدا بتغيروا الشرع اللى طول الوقت بتنادوا بتطبيق.. ولا الشرع في حقوق الستات وحش".