بعد كثرة ضحايا سائقي أوبر.. كيف يتحقق الأمان في سيارات النقل الذكي؟
حسنية في دعوى خلع: "أمه هي اللي كانت بتمشي رأيها في بيتي"
الخميس 10/يونيو/2021 - 01:37 م
حسنية في دعوى خلع
هاجر الصباغ
"أمه هي اللي كانت ممشية رأيها في بيتي".. بدأت الزوجة "حسنية. ص" حديثها بهذه الكلمات أمام محكمة الأسرة في الزنانيري، في دعوى الخلع التي أقامتها ضد زوجها "ناصر. ص".
زواج عن حب
وقالت الزوجة "حسنية. ص"، في الدعوى التي حملت رقم 4476 لعام 2021، إنها جمعها بزوجها قصة حب تغمرها الرومانسية، فقد ظلا يحبا بعضهما لمدة أكثر من عام.
بتختار ديكور البيت
وأضافت: "بعد الحب ده جالي البيت عشان يطلب إيدي من أهلي ووافقوا، وطول فترة الخطوبة وأنا بشوف العجب من أمه، كانت هي اللي بتقوله نخرج نروح فين، وتديله الفلوس عشان يصرف عليا واحنا خارجين، ولما جينا نجيب العفش وجهاز الشقة، كانت بتنقيله الألوان والديكور، وكل حاجة".
من أول يوم زواج معاناة
وأشارت إلى أنه حان ميعاد الزفاف لتبدأ المعاناة الحقيقية من أول يوم زواج؛ حيث إن أمه كانت تأتي إلينا رغم بعد المسافة بين بيتها وبيتهما في السادسة من صباح كل يوم حتى يوم الإجازة، وتظل تقيم معهما إلى أن تنتهي السهرة بعد منتصف الليل، وحينما كانت تسأله عن ذلك كان يؤكد أنها تحب أن تتناول وجبة الفطور معه وتطمئن عليه بعد عودته من العمل.
وتابعت: "طول ما احنا قاعدين تقولي الملابس وسخة، والشقة مش نظيفة، والحاجة بتاعتك اللي انتي جايبها في عزالك مش حلوة، ولما كنت بشتكي لجوزي كان يقولي دي بتحبك وبتهزر معاكي، ولما حملت وجيت أولد هي اللي اختارت اسم المولود وقالتلنا على الدكتور اللي هتابع معاه".
