توك شو

متصلة: «مش عاوز يطلق بنتي وهيتجوز عليها».. وعطية: «بأقوله أنتَ شخص بايظ»

الأحد 13/يونيو/2021 - 10:19 م

يوسف العرباوي

رد الدكتور مبروك عطية، أستاذ الشريعة بجامعة الأزهر، على سؤال سيدة تُدعى "أم يوسف"، والتي قالت فيه: "زوج ابنتي عايز يطردها من شقة الزوجية علشان يتزوج فيها من فتاة أخرى، ومش عايز يطلقها، بدعوى أنه لا يستطيع الإنفاق على بيتين، ومش عارفة أعمل إيه؟".

العيشة بقت حرام

وقال أستاذ الشريعة الإسلامية خلال برنامج "الموعظة الحسنة": "طلقيها على طول وده أسهل من زواجها.. وأقول للتانية اللي عايز يتزوجها الزواج منه حرام.. وهو مزنوق وهو مش قادر يفتح بيت، عايز يتزوج تاني، ولو سامعني هقوله أنت شخص بايظ.. أنت طلوقة ومزنوق للدرجة دى".

وتابع: "الرجل الذى يتزوج زوجة ثانية يجب أن يكون مقتدر ولديه من المال الوفير الذى يجعله قادر على ذلك وبدون أن يظلم أى منهما، ولما يروح عند الأولى ميجبش سيرة الثانية والعكس، وميقعدش يرغي مع واحدة منهم، يعني إيه روحي عند أمك، طيب لو مش عجبته الثانية واشتاق لبنتك والصيف وليالي الصبا يجي بقى عندك الشقة يعاشرها عندك وأنتِ تسمعيهم وتسخني ليهم المية.. هو ده لا دين ولا أدب ولا إنسانية.. لازم يطلقها وحتى لا يكون مسئولاً وتكون حرة طليقة لعيالها، وعلشان بنتك متنمش على جنبها وتتخيل ماذا يفعل زوجها مع ضرتها".