تايلور سويفت تسخر من عشاقها القدامى في ألبومها الجديد
نصيحة الرئيس السيسي: عايز تاخد بتارك.. اشتغل
الأحد 13/يونيو/2021 - 12:09 م
وجه الرئيس عبدالفتاح السيسي نصيحة للمصريين خلال المؤتمر الوطني الثالث للشباب قبل ثلاث أعوام.
وقال الرئيس السيسي : "لما حد يزعلّكم، ما تطوّلوش لسانكم، ما تطوّلوش لسانكم، لما حد يزعلكم ولا حتى يتآمر عليكم، بصوا لنفسكم وامسكوا في بعض كدا، وافضلوا اشتغلوا، هو بيعمل كدا، بيستقلّك، بيستضعفك، بيستفقرك. اللي عايز ياخد بتاره يشتغل ويصبر. وأنا عايز آخد بتاري".
وقال الرئيس :"ربنا مُطَلِّع علينا، لأنه هو سبحانه وتعالى عارف حجم الشرف، وحجم الإخلاص وحجم الأمانة وحجم العمل اللي احنا بنشتغله، وهو هيكافئ".
وأضاف :"ما تخافوش من بكره، ما تخافوش من بكره، طول ما انتم كدا (يقبض على يده) طول ما انتم كدا، إحنا ممكن نبقى بناكل كلنا وبنتخانق مع بعض، وممكن نكون ما بناكلش وبنحب بعض، بس كدا، لو كدا، ما تخافوش على بكره".
متضيعوش وقت
خلال مشاركته في جلسة «اسأل الرئيس»، خلال فعاليات اليوم الثاني لمؤتمر الشباب،وجه النصيحة للشباب :"كل ما تلاقوا نفسكم بتشتكوا اشتغلوا، كل ما تضايقوا اشتغلوا أكتر، كل ما حد يطول لسانه عليكم متردوش عليه، كل ما حد يتآمر عليكم متضيعوش وقت معها ضيعوا وقت مع العمل".
كل ما تقلق اشتغل أكتر
خلال افتتاح الرئيس السيسي المدينة الصناعية في الروبيكي، نصح رئيس الجمهورية، المواطنين بالعمل، "كل ما تقلق اشتغل أكتر عشان تبقى جامد، عشان تبقى قوي وتبقى قادر، كل ما تشتغل أكتر كل ما تبقى قوي أكتر، هيبقى حقك مفيش حد هياخده منك".
