قال الفنان أحمد عز: إن العرض الخاص لفيلم "العارف" كان جيدًا، خاصة أن الأهم هو أن المجهود الذي بُذل في الفيلم ظهر للجمهور.

وأكد عز، في مُداخلة مع برنامج "يحدث في مصر" الذي يقدمه الإعلامي شريف عامر، قائلًا: "أتمنى إن احنا نكون عملنا حاجة برة الصندوق، ونتمنى إن صناعة السينما ترجع تاني زي قبل جائحة كورونا، ويكون الفيلم ده والأفلام الموجودة تساعد في الموضوع ده".

وأضاف: "إننا نعمل فيلم ويبقى مستواه التقني أقل من الموجود في السينمات العالمية ده شيء مطلوب؛ لأن الناس بتدخل السينما بتقدر تتفرج على أفلام أجنبية على تليفوناتها، ولو انت معملتش كدة مش هتواكب"، موضحًا أن الألقاب لا تفرق معه في شيء: "اللقب اللي بيطلقه الناس مش أنا كفنان، وأنا شوفت جيل الأبيض والأسود ملقتش حد بيقول على نفسه نمبر وان".

وتابع عز، أنه لا يصح أن يقال، إنه نمبر وان في وجود الزعيم عادل إمام، والفنان الكبير يحيى الفخراني، والفنان محمد هنيدي، قائلًا: "حتى لو انت شايف كدة خلي الناس والجمهور هو اللي يقول، يعني أستاذ عادل إمام يقول إيه؟!".

وروى عز كواليس عمله مع الراحل نور الشريف في فيلم "مسجون ترانزيت"، قائلًا: "أثناء عمل فيلم مسجون ترانزيت مع الأستاذ نور الشريف، وجينا وإحنا بنتكلم في الأسماء أنا رفضت إن اسمي يكتب قبله، لكن الأستاذ نور هو اللي أصر أن اسمي يتكتب قبله".