قصة طلاق بطلها الخيال.. فيلم سينما يتسبب في انفصال زوجين

أورد برنامج "السفيرة عزيزة" قصة طلاق غريبة، بدأت بشعور المرأة بعدم الاهتمام من زوجها، فنسجت قصة حب من خيالها تسببت لها في الطلاق بعد ما ظن زوجها بأن الأمر حقيقة.

وجاءت القصة كالتالي: "حاولت أهرب من الواقع بالخيال بس كإني هربت من حفرة لحفرة تانية؛ أنا زي بنات كتير تقدم لي عريس وحسيت ناحيته بمشاعر حلوة، كان بيعمل كل حاجة عشان يقرب مني ويرضيني، وفعلا حبيته واتجوزنا، وكنت فاكرة إن دي بداية الحكاية مش نهايتها وعمر ما كان ليا طلبات مادية، وهو صراحة مش مقصر، ولكن زي أي ست بتحتاج حب وكلام حنين ولمسه رومانسية؛ كلمة بحبك ووحشتيني؛ كل ده مكانش موجود في حياتي".

وأضافت راوية القصة: "حسيت إن في حاجة كبيرة أوي نقصاني، وفي الأول قلت هسكت ومش هتكلم بس بصراحة مقدرتش أسكت فلمحتله، ولما معملش حاجة بقيت أطلبها منه بشكل مباشر، لكن رده دايما بيبقا مستفز" والله انت رايقة_ مخلاص اتجوزنا_ كلام حب ايه بتاع الطلبة ده" هو حرام اطلب من جوزي ؟!"

الهروب من الواقع

بقيت أسمع أغاني الحب والرومانسية واتخيل إنها بتتقالي، وكل ما أشاهد فيلم واتفرج على مشهد رومانسي اتخيل إني دخلت جوه الكادر، وفي يوم لقيتني بتخيل إني فعلا عايشة قصة حب وإن في واحد بيحبني وبيخاف عليا وبيقولي كلام حب ورومانسية ، عشت الخيال وصدقته، وبقيت أحكي عنه لأقرب أصحابي وكأنه حقيقة مش خيالي.

اكتشاف الزوج

وفي يوم جوزي شاف رسالة بيني وبين صاحبتي بحكيلها فيه عن حبيبي ده فاتصدم وحاولت أوضحله إن مفيش حاجة وإن دي قصة أنا اخترعتها لكن مصدقش وساب البيت وبعتلي ورقة الطلاق.

اقرأ أيضًا..

طلاق المرأة في ساحات المحاكم.. معركة خسرانة لحواء