في عيد ميلادها.. الأمنية الوحيدة لـ"نانسي عجرم" من زوجها فادي الهاشم؟
جدل بين الستات على «فيسبوك» بسبب: إزاي تخلي جوزك يجري وراكي؟
السبت 11/سبتمبر/2021 - 06:50 م
ساندي جرجس
نشرت إحدى النساء سؤالًا مثيرًا للجدل على أحد جروبات موقع التواصل الاجتماعي «فيس بوك»، وهو عن طريقة تجعل زوجها يحبها ويتمسك بها، وكتبت في منشورها «الست تعمل ايه عشان جوزها يجري وراها»؟
وكانت ردود الفعل مختلفة من النساء في التعليقات، فمنهن من أخذ الموضوع بسخرية ومنهن من علق بآراء مختلفة عن كيفية كسب قلب الرجل وجعله متعلقا بزوجته، وكانت أكثر الآراء إيجابية تدل على وعي المرأة بكيفية التعامل في علاقة زوجية ناجحة.
ومن جانبها قالت نسمة في تعليق: «تتقي ربنا فيه وتصونه وتحافظ عليه وتخاف ربنا فيه ووقتها هتلاقي ربنا بعت ليها نفس مواصفاتها بدون أي جهد وحوارات أنه يجري وراها ووقتها الاتنين هيحافظوا ع بعض، وللعلم الراجل لما بيحب بجد بيحافظ على الست اكتر منها الطيبون للطيبات».
الصنف دا مضروب
وعلقت شيري قائلة: «ولا تعمل حاجه أصلا الصنف دا مضروب تعيش حياتها احسن، تعمل الي عليها بحب فضل معها يبقي محترم خلع يبقي تنساه وبسهولة كمان».
بينما قالت إسراء ساخرة: «الست متعملش حاجة الراجل بيجري وراه أي وحدة غير مراته فهو يخونها مهما فعلت أو حاولت أن تكسبه، فمن طبع الرجال الملل من العلاقة وعدم الاكتفاء بامرأة واحدة».
ومن جانبها قالت دعاء: «الأفضل تتقي ربنا فيه وتحافظ على بيتها ومتخبيش عليه مهما كان تحكي وتخليه سرها دايما تضحك في وشه وتطمنه وتقف بجانبه وقت الحاجة».
