تفسير رؤية اسم محمد في المنام
وفاء عامر تُثير الجدل بتصريحاتها عن الخيانة والعلاقات الزوجية
الأحد 03/أكتوبر/2021 - 01:31 م
وفاء عامر
إبراهيم خالد
حلت الفنانة وفاء عامر ضيفة على برنامج الحكاية الذي يقدمة الاعلامي المصري عمرو أديب، وصرحت وفاء عامر بمجموعة من التصريحات عقب البرنامج؛ حيث قالت: "عمري ما هطلب الطلاق من جوزي حتى لو خانني، ولو خانني هبقى أنا السبب" وأكملت "ليه الست تاخد موبايل جوزها وتفتش فيه؟ دا الدين قال يا أيها الذين آمنوا لا تسألوا عن أشياء إن تبد لكم تسؤكم".
بياكل من إيدي
أكدت " وفاء ": "أنا جوزي لو ماكلش من إيدي ما ياكلش خالص.. ممنوع الشغالين في البيت يعملوا أكل".
تصريحاتها عن الفن
قالت "عامر": "فيه ناس بتبقى صف أول بس بدون موهبة، لكن بتبقى الكاميرا حباهم والناس عايزه تشوفهم لازم موهبتهم تتقل شوية، ولكن الجمهور لا يشترى ولا بيضحك عليه، والممثل لازم يحترم كل الأدوار لأن مكتوب في بطاقته ممثل، والعلاقات في الفن مش كل حاجة".
وقالت وفاء عامر عن الفنان الراحل محمود عبدالعزيز: "كل ما أشتغل مع حد بترحم على محمود عبدالعزيز، الفنان محمود عبدالعزيز شخص متواضع جدا"، فيما قالت عن الفنان عادل إمام: "قيمة وقامة وننتظره في عمل جديد ويكون عظيم كالعادة، ومفيش خليفة لعادل إمام لأنه شخصية لن تتكرر، وهو منظومة غير مسبوقة في بني آدم وقدر يحقق المعادلة الصحبة في الكوميديا والتراجيديا".
عهد السيسي
ووصفت عهد الرئيس عبدالفتاح السيسي، بعهد محمد علي باشا، قائلة: "عهد النهضة في مصر، وماحدش هياخد حق حد تاني"، متابعه: "تابعت مسلسل الاختيار في رمضان الماضي"، فيما كشفت عن انتمائها للنادي الأهلي، قائلة: "أنا أهلاوية وجوزي زمالكاوي وبحب قفشه جدا في الأهلي، زعلت من استبعاده هو ومحمد شريف من المنتخب".
وأشارت الفنانة وفاء عامر، إلى حبها الشديد للفن، قائلة: "بحب الفن أكتر ما بحب نفسي وممكن أمثل من غير فلوس لو حبيت الدور".
