لأول مرة | شاكيرا تخطف الأنظار بإطلالة مثيرة في Met Gala 2024
خبيرة علاقات أسرية: الأعذار أول درجة في سلم الخيانة
الأربعاء 06/أكتوبر/2021 - 12:01 م
عبدالله أبو الخير
ذكرت الدكتورة نانسي ماهر؛ خبيرة العلاقات الأسرية ومرحلة المراهقة؛ وفقا لمنشور رفعته على صفحتها الشخصية على الفيس بوك، أن للخيانة مراحل تدريجية تتم بها.
مراحل الخيانة
وأوضحت أن أولى مراحل الخيانة هي الإنكار، معتبرة إياه المفتاح الأساسي في أي حادث خيانة، بداية من إنكار الخائن للخيانة، وخصوصًا لو لم تتضمن خيانه جسدية؛ أو حالة الزواج في السر؛ بحجة أنه لا يخالف الشرع أو الدين مشيرة إلى أن ذلك مخالف للحقيقة والواقع تماما.
إنكاره لخيانته
وتابعت: "إنكاره لحجم الجرم اللي بيعمله في شريك حياته بحجة تسكين ضميره؛ زي ما ألاقي راجل يقولك أنا مش حارمها من حاجة وكل طلباتها مجابة، وأحيانا يقولك أنا عمري ما قصرت في حقها حتى اسأليها كده؛ إنكاره لخيانته لإنسانيته ولربنا بحجة أنها هي اللي مسئولة وهي السبب وهي اللي قصرت في حقي وماخدتش بالها مني".
وتابعت نانسي أن الأمر الثاني بعد سلسة الإنكارات تلك: "أكيد هنخلق لنفسنا أعذار كتير تخلينا نخون بدم بارد في حين سبحان الله لما تلاقي حد بيسأل الخائن تعمل إيه لو حصل معاك انت كده؛ عادة المهرب الوحيد ليه "لا ازاي أنا الراجل مستحيل أقبل"، وكل ده بيبقي بيعيط للست التانيه بره بإنه ضعيف وتعبان مع مراته، وطبعا كونه يثير كلام صعب زي ده علي مراته من وراها دي جريمة تانيه وبيسموه أحيانا Crying for help cheater أو الخائن الذي يبكي حاله طلبًا للمساعده".
كوارث مؤجلة
وأشارت ماهر إلى الأمر الثالث بأنه في حال كان الرجل يسعى خلف امرأة متزوجة أو العكس: "غالبا بتركز على احتياجاتها هي، الاستفادة اللي بتعود أو هتعود عليها هي وطبعا في سبيل تسديد حاجة بتتنازل عن حاجات كتير تانية، ومع الوقت والتحديات بيقنعها إنها تستحمل وهي بتقنع نفسها انها ضحية، وطبعا كل قصة ليها أبعاد وتفاصيل مش بتنتهي، بس الأكيد إن المعركة دي كل الأطراف بتخسر فيها حتى اللي بيستمتعوا بقدر من التسليه أو الدلع، وكلها كوارث مؤجلة وفقدان آدمية وانهيار قيم ومبادئ، وكلها بتصب في خراب الأسرة وعدم الأمان.
اقرأ أيضًا..
