الأربعاء 27 أكتوبر 2021 الموافق 21 ربيع الأول 1443
رئيس مجلس الإدارة
خالد جودة
مدير التحرير
محمد عبدالله
رئيس مجلس الاداره
خالد جوده
مدير التحرير
محمد عبدالله

نانسي ماهر: ما تدخليش علاقة وانت مش في الفورمة

الأربعاء 13/أكتوبر/2021 - 03:02 م
هير نيوز

حذرت الدكتورة نانسي ماهر؛ خبيرة العلاقات ومرحلة المراهقة؛ من دخول العلاقات "وانتي مش في الفورمة"، موضحة معنى فورمة العلاقات، ومشيرة إلى 5 أسباب تكشف أسباب فشل تمنع من من دخول العلاقات "وانتي مش في الفورمة".


حيث أوضحت ماهر المقصود بـ "فورمة العلاقات" بقولها: "تخيلي كده إنك أكلتي أكلة طعمها وحش قوي، وقعدت شوية مضايقاك ومضطرة لسبب أو لآخر تخلصي الطبق، جيتي بعدها قررتي تاكلي بسبوسة كتير، إيه اللي هيحصل؟ البسبوسة ضيعت طعم الأكل اللي مش حلو، لكن مشبعتيش، وانتي بتاكليها مبسوطة (طبعا لو بتحبي البسبوسة) لكن مش بتفكري في أي حاجة هتضرك إزاي، هي أصلا حاجة بتحبيها ولا لأ، هتشبعك ولا لأ ده تشبيه بسيط جدا للـ Rebound Relationship ".


وأشارت إلى خمس مشكلات تسببها تلك العلاقات:

مش حقيقية

فترى ماهر أنه لا يمكن اعتبار هذه العلاقات بأنها حقيقة: "عادة بتدوري على جانب واحد بس اللي هو غالبًا كان عكس عيوب العلاقة اللي فاتت وشبه مميزاتها".

مش عقلانية

"فكرة إنك من مركز بكل عقلك وطاقتك وتركيزك في العلاقة الجديده لأنك لم تتعافي من العلاقة اللي قبلها".

متهورة

"لأن مفيش عقل معظم اللي بيحركك فيها كيمياء المخ اللي بتخليكي تهربي من الحزن أو وجع الفراق بالعلاقة الجديدة وأحيانا تاخدي قرارات زي اللي في المسلسل زي زواج أو خطوبة، ودي بتبقى كارثية".


هدفك

"الهدف في الـ rebound Relationship بيكون مش واضح ومش صحي غالبًا بتهربي من الوجع أو بتتخيلي إنك عاوزة تتجوزي وخلاص مثلا أو تنتقمي أو أي هدف تاني".


انتي مش انتي

"معظم مشاعر الوجع اللي بتيجي من العلاقة اللي انتهت بتخليكي تتعاملي مع العلاقة الجديدة بحد غيرك، زي إنك تقرري متضحيش مثلا لأنك اتخدت مسلم بيكي أو متقدمش حب لأن اللي حبيتيه متتنازلش عن أي حاجة وتبقي عاوزة كل حاجة أو تطالبي الشخص الجديد بمطالب غير منطقية ولا واقعية أو تشكي بزيادة لو كنتي اتسبتي أو اتخانتي لا قدر الله".


وتابعت ماهر: "يعني لا بتقدم حب حقيقي ولا بتطلب طلبات منطقية ولا بتفكر بعقلانية واضحة، وأحيانا بتنخدع بجانب واحد في العلاقة الجديدة، بتتخيلي إنه هيطلعك من وجعك ومع الوقت والتفكير بتحس إنك اتسرعتي لما دخلتي علاقة بعد ما طلعتي من علاقتك على طول، أو لما حاولتي ترتبطي أول لما سبتي أو اتسابتي من غير شفاء ومن غير تعافي".

اقرأ أيضًا..

لو بتختاري «فارس أحلامك».. 5 مؤشرات تؤكد لكِ الشخص المناسب

البنات: «نفسي اتجوز واحد زي بابا».. والأمهات لهن: «لا وألف لا»