جاد شويري في مرمى النيران بعد طرحه كليب أغنية «الصيت» (صور)
«إزاى تخلى جوزك هيتجنن عليكي؟».. تعليقات صادمة على جروبات النساء
الأربعاء 08/ديسمبر/2021 - 01:13 ص
ساندي جرجس
نشرت إحدى النساء على الجروبات الخاصة بالمشاكل الزوجية وتبادل الخبرات، منشور تطلب فيه معرفة آراء النساء وخبراتهم عن كيفية إسعاد الزوج وجعله أقرب منها، وقالت في منشورها: «ازاى تخلى جوزك دايما مجنون عليكي ومشدود ليكِ ومابيرفضلكيش طلب؟!».
وكانت التعليقات جميعها من النساء اللاتي قدمن النصائح لتلك المرأة حتى تتقرب من زوجها وتجعله متعلقاً بها أكثر مثلما طلبت، وبعضهن كان ينتقد طريقة تفكيرها ومحاولتها في إرضائه.
وقالت "شروق" في إحدى التعليقات: «حبيبتي أنتي لو جوزك ابن حلال ومتربي وبيتقي ربنا هيعمل كل ده من غير ما تعملي أي حاجة لكن هو لو جزمة قديمة وناقص تربية والله لو عملتي قردة وقدتي صوابعك العشرة كدة ولا أي حاجة تهزه».
وعلقت دعاء: «سبحان الله مفيش راجل بيسأل أسئلة كده ازاي أراضيها إزاي أحبها واحسسها إنها محور حياتي دايما احنا اللي لازم قال إييه حبيه وحبي اللي حواليه».
وقالت شيماء: «خليكي سهتانة في صوتك بلاش تجعري في وشه واهتمي بنفسك ومظهرك، بلاش كل شويه تباني قدامه متعرفيش أي حاجة في أي حاجه بيني علطول إنك فاهمة ودماغك شغالة بس في الأول هو لو بيحبك مش هيسيبك ولو في حاجه فيكي هيغيرها وهو معاكي مش هيبعد».
وعلقت مروج قائلة: «متلزقيلوش ولا تحسسيه إنك مضايقة إنه بيخرج أو بيروح أو بيجي وخلي عندك اهتمامات تانية غيره».
وقالت مايسة: «لو بيحبك هيعمل كدا من غير مجهود منك وكمان كل حاجه بتاعت ربنا ودي أرزاق».
بينما قالت نيرة في تعليق آخر: «طول ما انتى عاوزة توهبى حياتك لشخص حتى لو بتحبيه على حساب نفسك هينفر منك وهيبعد أكتر مهما تعملى، لازم تاخدى مساحتك وتديله مساحته وتحترموا بعض ويحصل توازن في العلاقة عشان يفضل باقى عليكى التضحية الأوفر مصيبه لنفسك ومش هتجلب إلا الكوارث وانهيار للعلاقات».
وعلقت خلود قائلة: «بالأسلوب والإقناع وكل راجل ليه مفتاح وطول ما انتي بتراعي ربنا وبتتقي الله فيه وبتعامليه بالحسنى هيديكي عينيه والله أهم حاجه حسن الاختيار».
بينما قالت أسماء في تعليقها: «والله مهما عملتى ما فى حاجة بتجيب نتيجة، الحاجات دى بتبقى موروثة يعنى الواحدة بتكون جاية متعلمة جاهزة، وبس اللى استنتجته إن أكتر حاجة ممكن تخلي جوزك يحبك فعلًا هي إنك تكبريه قدام الناس وتشكري فيه دايمًا، اعرف واحدة بتعمل كده وجوزها بيتمنالها الرضا».
اقرأ أيضًا..
