حقيقة خطبة تايلور سويفت إلى حبيبها ترافيس كيلسي
نانسي ماهر: «ما تتجوزيش اللي تتمنظري بيه.. أنتِ مش عربية اسبور»
أعربت الدكتورة نانسي ماهر خبيرة العلاقات الأسرية ومرحلة المراهقة، عن أسفها من انتشار فيديو زوج الفنانة نجلاء بدر وهو يقول "لو تخنتي هطلقك أنا واخد موديل معين عربية اسبور لو قلبت أتوبيس نقل هنزل أول محطة"، مؤكدة أن ذلك يصدر نموذجًا مشوها للشباب والزواج.
وقالت ماهر: "في عهود الزواج اللي بتتلى في الأفراح في دول كثير جمل مشهورة تقال؛ في الغنى والفقر، في الصحة والمرض، في الخير والشر؛ يعني الزوجين يربطهم رباط مقدس بيعدوا مع بعض حاجات كتير الأصل فيها أنهم يقربوا من بعض".
وأكملت نانسي: "فكرة الفيديو اللي انتشر لزوج الفنانة نجلاء_بدر بيقولها فيه على الهواء" لو تخنتي هطلقك أنا واخد موديل معين عربية اسبور لو قلبت أتوبيس نقل هنزل أول محطة "بتصدر نموذج مشوه لشباب مش ناقص تشوه للزواج وسواء هم يقصدوا يعملوا تريند أو الكلام جه وليد اللحظة؛ في الحالتين مينفعش نصدر معاني بالشكل عدة للشباب اللي أساسا احنا بنصلب مفهومه عن العلاقات بالعافية".
وتابعت ماهر: "الجواز يا سادة رباط مقدس مش تجربة أو معرض عربيات، أنت لتختار الشخص اللي يبني معارك بيت وحياة مش اللي يهد الدنيا أو يصيبك في أول محطة أنت لتختار اللي يتناسب مع شخصيتك وأهدافك مش اللي تتمنظر بيه قدام الناس، أنت لتختار الشخص اللي يملى عينك وتملى عينه مش اللي يحطك في اختبارات ومقارنات، أنت تختار اللي يصون كرامتك قدام الناس مش يبيعك كدة ويحسسك أنك متهانه أو ملكيش لازمة".
وأردفت ماهر: "الاثنين اللي بيتجوزوا لازم يحطوا قدامهم فكرة التغيير، التطور، النضج، القلوب والظروف اللي بتتغير وبتتطور لكن فكرة أن طرف يحسس التاني أنك لو مقدمتش فروض الولاء والطاعة العمياء وتتشقلب علشان ترضيه على حساب أي وكل حاجة ".
وأكدت ماهر أن ذلك يثير عند الشخص نوع من التعلق الغير آمن، بيعلي قوي عدم الأمان والقلق والتوتر: "حلو أن يكون في عهد أننا نحافظ على الحميمية والشغف في العلاقة، نحافظ على المميزات ومنحاولش نغيرها، لكن لو حاجة خارجة عن إرادتنا، لو ضغوط بنتعرضلها لو مساحة حتى تغيير لاكتشاف نفسنا في إي مجال".
وأنهت كلامها: "مش الحل أننا نبيع بعض؛ الحل أننا نزود تمسكنا ببعض في بوش الأزمة، والخيانة والمظهرية والتفكك والأمراض النفسية لتنهش في البيوت والعيال، مينفعش نزود الشعور بالسطحية والزيف والهشاشة في العلاقات بالمنظر ده.
اقرأ أيضًا..
