حقيقة خطبة تايلور سويفت إلى حبيبها ترافيس كيلسي
خبيرة علاقات أسرية: 10 دروس مستفادة من عام 2021
قالت الدكتورة نانسي ماهر، خبيرة العلاقات الأسرية ومرحلة المراهقة، إن هناك 10 دروس مستفادة لابد أن نخرج بها من عام 2021 يجب استغلالها والتعلم منها، وذلك خلال منشور على صفحتها الشخصية على موقع التواصل الإجتماعي الفيس بوك.
10 دروس مستفادة من عام 2021 :
1. بلاش تفرح بلمة الناس حواليك لأن في فرق كبير بين اللمة الحقيقية والكذابة.
2. أمور حياتنا
اليومية مهما كنا بنعتبرها مسلم بيها الزمن أثبت أنها نِعم لابد نمتن ليها ونشكر ربنا
عليها طول الوقت.
3. الناس اللي
دخلت حياتنا السنة دي كان لكل واحد دوره، في اللي كمل معانا وفي اللي وجوده كان لفترة
أو لدور معين وخلاص.
4. زيها زي أي سنة كانت مليئة بالنجاحات والإخفاقات مليانة لحظات فرح ولحظات حزن النهاردة ياريت كل واحد فينا يقيم اللحظات دي يشكر ربنا عليها ويفهم أبعاد كل وقت والدروس المستفادة من كل مرحلة.
5. مراعاة مشاعر الناس أمر مهم جدا في أي علاقة " بس من أصعب الأمور إنك تلاقي حد مراعي شعور البعيد عنه قوي وأقرب الناس ليه جاي عليه عادي".
6. الخوف والقلق مشاعر طبيعية لازم تحترم، متخفش من خوفك ومتقلقش إنك تبقى قلقان، الظروف كلها كانت صعبة فاوعى تلوم نفسك على أي شعور، احترم مشاعرك واقبلها وحاول تتعلم تعالجها صح.
7. كلمة اطمن لحد قلقان، كلمة بحبك لحد محتاجها، كلمة أنا في ظهرك لحد خايف أو تايه، ممكن تفرق كتير قوي في كسبنا لنفوس كتيرة.
8. الزمن أثبت إن مينفعش حد يحكم على حد طالما ممرش بنفس ظروفه متحطش في موقفه ولا عانى معاناته... يكفي كل واحد نفسه.
9. العام الجديد هو فرصة للحياة للتعلم لفهم الذات والحياة فاستغلها.
10. ربنا سبحانه هو ضابط كل شيء وعالم كل شيء هو العادل اللي عمره ما بيرضى بظلم حد، وهو الرحيم اللي
بيقبل المرفوضين وضحايا الوحدة وهو اللي بينير لنا الطريق دايما.
اقرأ أيضًا..
