على الطراز الباريسي | جينيفر لوبيز تتألق في شوارع مدينة النور
كلام البنات عن الزواج.. سمر: «نفسي أرجع بنت» ونيرة: «خفت أعنس»
الخميس 23/ديسمبر/2021 - 11:52 م
ساندي جرجس
تعتبر فكرة الزواج شبح مخيف للكثير من الفتيات خوفا من فشل العلاقة واللجوء للطلاق أو بسبب الخوف من المسؤولية، ولكن على الرغم من ذلك هناك فتيات تتمنى أن تحصل على زوج وتعيش تلك الحياة المستقر الهادئة مع من تحب.
وفي هذا الشأن، نشرت إحدى الفتيات سؤالا في جروب خاص للبنات على موقع التواصل الاجتماعي "فيس بوك"، وقالت: «اتجوزتي ليه؟!»، وكان هذا المنشور حتى تظهر مناقشات البنات عن سبب احتياج كل منها وإقبالها على الزواج.
وكتبت بعض الفتيات تعليقات على المنشور بعضها يدل على الندم بعد اتخاذ قرار الزواج، والبعض الآخر يعبر عن سعادته بزواجه والحياة الزوجية.
وقالت إسراء، في إحدى التعليقات: «والله الموضوع ابتدى من عند احنا صحاب وبس وفجاءة لقيت نفسي معاه والحمدالله مرون جي في السكة ادعولنا».
بينما علقت سمر قائلة: «بعد حب ٨ سنين اتجوزت وخلفت جبت سليم ومراد وبجد بتمنى الأرض تنشق وتبلعني بتمنى أرجع بنت تاني ولو لدقائق بس وانسى كل اللى حصلي من ساعت ما اتجوزت، اسوأ قرار أخدته في حياتي بجد صدقوني».
وقالت نيرة: «مكنتش لاقية حد يتقدملي خوفت أعنس رضيت بيه بس الحمدلله لاقيت حب حياتي وبخونه معاه دلوقتي وهطلق منه الشهر الجاي ادعولي يا بنات».
وعلقت ياسمين، قائلة: «علشان لو هشحت كده محبش إلا هو ده حبيبي الغالي أبو العيال ربنا يخليهولي يارب، متجوزين بقالنا 9 سنين ومعايا بنوتين ربنا يحميهوملي يارب حبيبي حبيبي بحبه أوي».
وقالت ندى في تعليق آخر: «كان يوم أسود للأسف بعد حب 3 سنين و 4 سنين خطوبة كنت فاكره إنه بيحبني وإني هبقى سعيده معاه وبعد الجواز اكتشفت غير كده خالص وتقريبا هنطلق عوضي على الله».
وعلقت سارة: «مش عارفه ليه بس كانت طول فترة الخطوبة خناق وضرب في بعض وقولت اتجوز، بس الصراحة هو عوض ربنا ليا عوضني عن كل حاجه شوفتها في حياتي حسيته أب وضهر ليا وفعلا هو كده».
اقرأ أيضًا..
