أخصائية علاقات أسرية: «برا المنهج» يُقدم 10 دروس مهمة لتربية الأبناء

أشادت الدكتورة نانسي ماهر، أخصائي العلاقات الأسرية ومرحلة المراهقة، بفيلم "برا المنهج"، واصفة إياه بـ"الأروع والأجمل"، وناصحة الآباء بمشاهدته، قائلة: " اللي عاوز يغرس حاجة في أولاده يشوفه". 

وقالت عبر منشور على صفحتها الشخصية بموقع فيسبوك: "هناك 10 دروس مستفادة من هذا الفيلم".

وأوجزت هذه الدروس فيما يلي:

１. العلم أكبر من مجرد دروس في كتب نحشرها في دماغ الأبناء وخلاص، العلم رسالة ونور للطفل أنه يشوف الدنيا من أوسع أبوابها.

2.  الأبوة ليست مجرد اسم، الأب في شهادة الميلاد، الأبوة تأثير فهم ورسالة تعلم فيها ابنك أو بنتك إزاي يكون إنسانا سويا.

3. التغيير ممكن وليس مستحيلا مهما كانت الحالة مستعصية فالتغيير يحدث بالحب، يحدث بالاحتواء، لكن اليأس من الطفل بسرعة وإننا نرمي طوبته علشان عنيد أو مش بيستجيب ده اسمه استسهال.

4.الخوف شبح كبير يمكنه هزيمة الإنسان وتدميره لو متوجهش صح وتعاملنا معه بحكمة.

5. التدريس مهنة سامية مثل الطب وأي مهنة صاحبها بيبذل مجهود فيها علشان يفيد الإنسانية مش علشان مجد شخصي أو فلوس أو هدف مادي.

6. الأطفال عجينة نقية وتربة خصبة زي ما هيتربوا زي ما هيطرحوا المهم نزرع فيهم صح.. المهم نزرع فيهم أصلا.

7. الأطفال بيعرفوا يحسوا قوي وييجوا على نفسهم ويتحملوا حاجات كتير في سبيل أنهم يلاقوا حنية وحب صادق يستحملوا قلة الإمكانات بس ميستحملوش القسوة، يتعايشوا مع الظروف الصعبة بس ينهاروا من الشعور بالظلم.

8. الأحكام على الأطفال من أخطر الأمور التي يمكن عملها ده غبي.. ده مبيفهمش.. ده كذا ده كذا.. بكلمة منا ممكن نشكل وندمر شخصيات مليانة طاقة وإمكانيات رهيبة بس تتوجه صح".

9. مغزى الفيلم الصراحة والمواجهة قيم لازم تنغرس في الطفل مش الكذب والجبن علشان يقدر يعيش ويؤثر في اللي حواليه.

10. فكرة التأثير اللي بيبقى بيننا وإزاي كل واحد فينا عنده فرصة يغير اللي حواليه طرحت بإبداع.

اقرأ أيضًا..

اللمة الحلوة.. طريقك نحو النمو النفسي السليم للأطفال