هيدي كرم لـ معلمة المنصورة: «معملتيش حاجة غلط»| فيديو

نشرت الفنانة والمذيعة هيدي كرم فيديو على حسابها الرسمي بموقع تبادل الصور والفيديوهات «إنستجرام» تدافع فيه عن معلمة المنصورة، صاحبة فيديو الرقص على مركب وسط النيل، وقالت هيدي: "«بقالنا يومين في قصة عجيبة غريبة من نوعها وكلنا بنتفرج عليها وساكتين، مش بنعمل أي رد فعل، معلمة المنصورة الست دي كانت في رحلة نيلية مع زملائها اللي بقالها سنين معاهم يمكن تعرف زوجاتهم وعيالهم كمان، الست سمعت شوية مزيكا واتمايلت شوية على المزيكا دمرتوها ضيعتوا مستقبلها».

وأكملت هيدي كرم: "الست اتطلقت من جوزها واترفدت من شغلها وبيتحقق معاها ليه؟، ليه نفسي أفهم ليه؟ عشان رقصت في مكان عام في رحلة نيلية من غير ما حد يلسمها لمسة مش لطيفة من غير ما تعمل موقف فاضح!، عيالها هيعيشوا طول عمرهم بعار إن أمهم ممسوكة آداب، محدش فينا فكر يدافع عنها ويقولها أنا بدعمك وبساندك".

اقرأ أيضًا..

نهاد أبو القمصان تعرض وظيفة على مدرسة المنصورة: «وزارة التعليم مش فاضية»| فيديو

ووجهت "هيدي" الدعم لمعلمة المنصورة حيث قالت:" «أنا بدعمك وبساندك، أنا معرفكيش بس بقولك أنتِ معملتيش حاجة غلط»، موجهة اللوم على عدم التستر وعلى فضح عورات الناس، منهية حديثها لمعلمة المنصورة: "أرجوكي كوني قوية، أنتِ معملتيش حاجة غلط، أنتِ ست معلمة ومحترمة أزمة وهتعدي، ومش عايزاكي تكوني ضعيفة، حرام عليكم ارحموا الست حرام كده".