الأربعاء 25 مايو 2022 الموافق 24 شوال 1443
رئيس مجلس الإدارة
خالد جودة
مدير التحرير
دعاء رفعت
رئيس مجلس الاداره
خالد جوده
مدير التحرير
دعاء رفعت

أخبارها «سوشيال ميديا».. الكبيرة أم الصغيرة أولى بالزواج؟.. وجدل حول إزالة الشعر بالليزر

الأربعاء 19/يناير/2022 - 10:15 م
هير نيوز

تنشغل النساء بالبحث والاطلاع على مواقع التواصل الاجتماعي طوال الوقت، حيث أصبح موقع "فيس بوك" يشكل منصة لعرض وطرح المشاكل أو الأسئلة أو الحصول على خبرات من البنات وبعضها.

وفي هذا السياق تداولت الفتيات والسيدات بعض الموضوعات اليوم، والتي كان أبرزها مشكلة ضرورة زواج الابنة الكبيرة في الأسرة قبل الصغيرة، وهجوم بعضهن على هذا التفكير، وأيضا السؤال وتبادل الخبرات حول طريقة إزالة الشعر بالليزر والتي أصبح الكثير من الفتيات تستخدمها وبعضهن يخاف من الإقدام عليها.

زواج البنت الكبيرة قبل الصغيرة

نشرت إحدى الفتيات التي تؤمن بفكرة زواج الابنة الكبيرة قبل الصغير في الأسرة منشور على إحدى جروبات البنات، وقالت: «أنا عندي 30 سنة وأختي الأصغر مني عندها 26عامًا، ودلوقتي هي بتحب زميلها في الجامعة وجه اتقدم وبابا وافق عليه أنا اعترضت وقلت مفيش جواز قبلي وخربت الدنيا في البيت، لقيتهم النهاردة عازمينهم عشان يتفقوا ويرتبوا للخطوبة حلفت إني مش هحضر لها خطوبة ولا فرح ولا عمري هعرفها تاني قالوا لي عنك ما جيتي وأنتي غلاوية أنا بتكلم عن الأصول هي مش الأصول يا جماعة بتقول الكبيرة الأول؟، ولا أنا ناقصني وقف حال عشان يوقفوهولي أكتر بعملتهم السودا دي لو انتوا مكاني هتتصرفوا ازاي؟!».



وقوبلت هذه الفتاة بهجوم كبير من الفتيات، حيث اعترض الجميع على طريقة تفكيرها وجاءت التعليقات كالآتي: 

قالت منار: «حبيبتي أنا أختي الأصغر مني هتتجوز وأنا حاسه بنتي اللي هتتجوز لو أنتي فعلا بتحبي أختك دي هتتمني تشوفيها في أحسن حال عيب اللي أنتي بتعمليه ده إفرحي لأختك عشان ربنا يكرمك وقفي معاها ربنا يهديكي».



وعلقت أسماء: «كله هيتجوز بس هو نصيب ورزق والأرزاق بتاعت ربنا سواء أنتي أو هي نصيبها جيه الأول عادي أنتِ متعرفيش ربنا كتبلك إيه كل واحد بياخد نصيبه كامل».



وقالت أميرة في تعليق آخر: «لا يا ماما مفيش كدا بين الأخوات خالص بالعكس ده انتى تتمنيلها الخير كله هي نصيبها جه أنتى لسة، افرحيلها واقفى معاها غير إنها أختك وده المفروض لا صفى قلبك ونيتك هتلاقى قصاد ده كرم من ربنا مش هتحلمي بيه أساسا، وموقف حصل قدامي عمتي الصغيرة كانت ٢٩ ولسه متجوزتش وكانت بنت عمتي لسه ١٩ سنة واتخطبت وكانت فرحانة جدا بيها ومكملناش فعلا كام شهر وربنا بعتلها نصيبها واتجوزت ومعاها ولدين دوقتي ربنا يباركلها فيهم».



وعلقت آية: «ازاي يعني أنتي غريبة جدًا بصراحة لا طبعا مافيش حاجة اسمها أصول في دا مش عشان أنتي الكبيرة أختك مش مضطرة تستناكي لحد ما تتجوزي!!!؟؟».

إزالة الشعر بالليزر

نشرت إحدى الفتيات تتساءل عن الليزر وفوائده، وقالت: «عن تجربة الليزر بيفرق فعلا ويستحق المبلغ اللي هنفضل ندفعه ولا الشيفنج كويس وينفع نستمر عليه وحد ليه تجربة مع التقشير للبكيني في نتيجة ولا مؤقتة؟!».




وقالت كندة: «اه طبعا يستحق والتقشير حلو بردو بس على حساب المكان اللي بتتعاملي معاه».

وعلقت سارة: «ده أحلى اختراع عرفته البشرية».

وقالت مريم في تعليق آخر: «أكتر حاجه بدفع فيها وأنا مرتاحه ومش مضايقه اعمليه ومش هتندمى والله».





وعلقت منة: «ليزر طبعا بالذات البيكيني حتى لو وقفتيه أثناء الحمل الشعر بيطلع بس مش زي الأول طبعا بيبقي خفيف جدا هو يستاهل إنك تدفعي فيه الصراحة تحفة».

اقرأ أيضًا..