«بعنا البيت».. أرملة يونس شلبي تكشف معاناة أسرته بعد وفاته| فيديو

أثارت أرملة الراحل يونس شلبي الجدل خلال الساعات الماضية، بعد ما خرجت به من تصريحات على الجمهور، تعبر من خلالها عن حالتها المادية خلال الفترة الماضية...

وترصد «هير نيوز» خلال السطور التالية أبرز التصريحات التي قالتها أرملة الراحل يونس شلبيخلال حلقتها مع الإعلامي شريف عامر، على قناة mbc.

تصريحات أرملة يونس شلبي

مفيش حد معندوش مشاكل والناس فاكرين الفنان حياته سعادة، واللي يشاور عليه يبقى موجود، لكن لا إحنا ناس عاديين، عندنا برضه الوحش والحلو، وبنمرض، ومريت بمراحل صعبة معاه في المرض.

بدأ يونس شلبي رحلته مع المرض عام 1995، ولديه 4 أبناء كانوا صغيرين كلهم.

 يونس شلبي كان عامل بيت  وخصص لكل بنت شقة، كما خصص مكان لإقامة استديو، على أساس إنه كان الاستديو ده يشتغل فيه ويشغله، ومكان ليا وهو في الفيلا من تحت، وهو لما تعب بعتها لأني دخلت في تطورات كتيرة، وعمل عمليات كتير، وأنا اللي كنت ببيع عشان كان مطلوب مني عمليات وأكياس دم.

 مشكلة يونس شلبي إنه كان عايز ولاده يتعلموا تعليم عالي، وأنا الحمد لله لغاية أصغر بنت، أمينة اللي سميتها على اسم مامته، علمتهم كلهم تعليم عالي.

 معنديش غير معاش النقابة والحمد لله نعمة ربنا علينا، كفاية إنه بيطبطب علينا وأنا مقتنعة بربنا واللي جابهولي.

الفنان أشرف زكي يقدم لهم ما في وسعه ولم يتركهم، رغم مسئولياته الكثيرة تجاه الكثير من الأعضاء، معبرة" احنا أحسن من غيرنا والحمدلله، وفي أعضاء في النقابة محتاجين رعاية والنقيب يقدم كل ما في وسعه لنا".