أسعار الفراخ البيضاء والبيض اليوم الأربعاء 1 مايو 2024 في الأسواق المصرية
أخبارها سوشيال ميديا.. البنات عن جواز الصالونات: «مش هيشتري الجاموسة»
السبت 29/يناير/2022 - 12:00 ص
ساندي جرجس
أثار منشور لإحدى الفتيات على موقع التواصل الاجتماعي "فيس بوك" بخصوص ما يسمى بـ«جواز الصالونات» ضجة وغضب واسع بين الجنس الناعم، حيث اعترضت الكثير من البنات على رفض فكرة زواج الصالونات وأعربت عن رغبتها فيه بشدة.
وقد يدل هذا على عودة تفكير البنات بالزواج من شخص لا تعرفها والعزوف عن فكرة الدخول في قصص الحب، حيث نشرت الفتاة وقالت: «صحبتي هتتجوز جواز صالونات بتكلمني بتعيط و بتقولي هعيش معاه إزاي ده».
وانهالت التعليقات بالهجوم والنقد على ذلك المنشور؛ حيث قالت إسراء: «مابلاش قلة أدب بقى، إللي اسمه جواز مصونات هو انتي لازم تكوني صيعتي معاه سنتين تلاتة عشان تتجوزيه، ياختي اللي بيشرب اللبن ببلاش عمره مايفكر يشتري الجاموسة».
وعلقت أميرة: «سبحان الله يعني اللي داخل البيت من بابه هتعيش معاه إزاي لازم يلف ويصيعوا علشان يتجوزو ده لو اتجوزو أصلا».
وقالت هناء: «صح هتعيش إزاي مع واحد ممشتش معاه أربع خمس سنين واتصايعو فالشوارع وجابلها هدايا معرفتش توريها لأهلها».
وعلقت مريم ساخرة: «ازاي يتقدملها واحد في اطار عائلي وبما يرضي الله وطلب ايدها فالحلال؟؟؟ صعب فعلا»
وقالت سلمى في تعليقها: «ده أصح جواز هتختاري بالعقل وبمجرد ما العقل قبل التقبل والمشاعر هتتوجد والاحترام والتقدير، عكس لو المشاعر اتوجدت في الأول والقلب هو الي سيطر هتتغاضي عن كل السلبيات الي ممكن متعرفش تتعايش معاها».
